رد: سؤال هام لكل بنت مسيحية ؟؟؟
كُتب : [ 04-07-2008
- 01:34 AM
]
انا اولا اشكرك على ردك
اولا انا مش بنبهك لخطياك
انا عاوزه اقولك
ان المفروض الحجات دى
مش مهمه بالنسبالك ومتشغلش وقت من تفكيرك
عاوزه اقولك كبر دماغك
كتر تفكيرك وزعلك على العار الى انت بتقول عليه ده مش هيغر حد
انت الى فى ايديك انك تصلى وربنا ليه طرقه
فى انه يجيب اولاده زى ما قولتك
فى قصه مريم المصيه السائحه
دى كانت خاطيه جدا عرفت الخطيه من سن 12 سنه
وده سن صغير جدا طبعا تعتبر طفله
وعملت كل انواع الخطيه
وياما جابولها كهنه ومتابتش على ايديهم
وفى مره سمعت عن رحله طالعه لفلسطين
بمناسبه عيد ظهور الصليب المقدس
فقالت ومالوا اروح فلسطين
وهناك محدش يعرفنى وبالمره يكون فى مجال اوسع للخطيه
حتى فى السفينه الى كانت مسافره توصلهم
عملت الخطيه فيها
وبالسفينه دى رست قدام الكنيسه الى كانت
عامله عيد الصليب
وكان فيها الصليب المقدس
فقالت هدخل الكنيسه
هناك عشان اتعرف على الناس الهناك
ولما وصلت الكنيسه جات تدخل
لقيت فى ادين خفيه يتزقها لبره تانى
وحاولت كتير انها تدخل وكانت الايدين الخفيه دى بتقاومها بقوه
فافتكرت خطايها وقعدت تبكى بمراره ندم
عل الخطايا الى عملتها فى حياتها
كلها وسمعت صوت العدرا بتقولها ادخلى الكنيسه
واعترفى بخطياكى امام الصليب المقدس
وربنا هيغفرلك
وفعلا جات تدخل دخلت
وقعدت تبكى تحت الصليب
واعترفت واتناولت
والعدرا كانت قالتلها روحى الصحراء وعيشى فيها باقى ايام حياتك
وراحت فعلا وعاشت 70 سنه هناك
مين كان يقدر يتوقع لهذه الفتاه التوبه
فربنا ليه سبله فى انه يجبنا
انا مش اب اعترافك عشان اقولك احزن على خطاياك
انا بس كنت بقولك ان الحجات دى متستاهلش انك تضيع وقت فى التفكير
وبالنسبه البنات الى بتسيب المسيح ومن عائله كهنه
انا احب اقولك مش معنى انها قريبها كاهن تبقى قديسه
الكتاب المقدس بيقول حتى الاسقفه بيضلوا
ودى ضعفات للانسان وبتقى اساسها التربيه بردو ولاهل بردو
فى بنات بيبقوا محرومين من الحنان الابوى او الحنان بصفه عامه
لما بتجده عند حد تانى بتبقى مستعده تبيع نفسها عشان تحصل على الحنان ده
واسفه اذا ان اسلوبى ناشف شويه
واسفه اذا كنت جرحتك بدون قصد
وربنا يباركك واسفه على التطويل
اذكرنى فى صلاتك
|