يرجَع قَلبي يدُق
نِفسي أرجَع تاني ليك وَأبعِد عَنْ هَمِي وِأنسَي الأنين+
أرجَع بِشوق قَلبي إليك قَبل ماتفوت وِتمُر السِنين
قَرار
يرجَع قَلبي يدُق بِحُبَّك
كُل نَبضَه بِتُحفُر أساميك
جُوا قَلبي بِترسِم صورتَك
وإنتَ ناقِشني عَلي كَفيك
مَهما أتوه وَأبعِد عَن خَطاويك تِفضَل تِدَّوَر عَليَّ عينيك+
وَأما تِلاقيني عَلي طول إيديك تِرفَّعني فوق..فوق مَنكَبك
وِأشعُر إني طِفل صُغَيَّر بين إيديك الحَنونَه عَليَّ+
وِيبدَأ قَلبي مَعاك يتغَّيَر وِيبدَأ ينسَي كُل خَطِيَّه
وِأبعِد عَنْ عالَم زايل وِأعيِش وَيَّاك كُل حَياتي+
بَعد ماكان القَلب مايل بَقيت يا رَبِي رافِع صَلاتِي
كَلِمات
ريمون سمير