[emmmy]

مادمت ماااشى عكس التيار يبقى لازم يكرهوك
امر طبيعى لا شركة للظلمة مع النور
عزيزى مااجد احييك على شجاعتك وامانتك فى عملك
بس انا مش فاهمة نوع شغلك اللى مخليك تبقى مسئول عن ارواح الناس ؟؟
هدفى من السؤال هل انت بتراجع وراهم بصفتك مسئول رسمى ولا مجرد زميل مش موافق على اوضاع تخالف الضمير والقانون والانسانية
لو بتتدخل بصفة رسمية وكمسئول رسمى لانك رتبة اعلى منهم يبقى ميهمكشى من حد ابدا خليك زى ما انت واعى تتغير
وهما عارفين وفاهمين ان دة حقك بصفة رسمية ويزعلوا مش مهم وانت اكيد هتلاقى ناس عندها ضمير زيك تكون معاك علشان متحستش بالوحدة اللى بتتكلم عنها
اما بقى اذا كنت مجرد زميل وبتتدخل كحماس ورفض الاوضاع هنا يبقى فيها تانى خالص اعتقد ممكن تورط نفسك فى مشاكل انت فى غنى عنها لانك فى وسط بحر مليات حيتان مش هتقدر عليهم حاول تؤدى عملك بامانة وضمير ومتتدخلشى فى امور غيرك
الا اذا كنت بقى مستعد تواجهة المشاكل وتخسر راحتك من اجل امانتك وضميرك اعرف من قبل ما تجازف انك هتدخل طريق مليان شوك الطريق الضيق اللى قال عنة المسيح
يعنى من اجلك يا الهى اخسر كل الاشياء وانا احسبها نفاية لكى اربحك يا يسوع
بس دة هيحتاج حكمة كبيرة جدا
احساس الانتماء والحب والصداقة فى عملك لو هيكون مقابل ضميرك وامانتك لا بلاش منها خاالص احسن خليك زى ما انت وافرح باكليلك وصبرك ومسيرها تنتهى ومفيش حاجة بتفضل على حالها ابدا مين عارف بكرة كل الامور تتغير والناس اللى انت بتشتغل معاهم برضوا يتغيروا بس المهم تفضل زى ما انت بذرة نظيفة وطاهرة يجى منها ثمر حلو يشهد ويمجد اسم اللة القدوس
ربنااا معاااك ويفرحك دايمااا