[emmmy]

ابدعت فى ردك يا استاذ ايمن
اشكرك حقيقى
انا استفدت من الرد كتير

عزيزتى صاحبة السؤال
انا ليا صديقة كانت بتعانى من نفس مشكلتك
وكانت بتحكى لى حاجات كتير
تسمحيلى اتكلم معاكى بصراحة وبدون حساسية
وربما اكون صح وربما اكون غلط بردوا فانت ادرى بما فى نفسك وداخلك
انا بس هحاول بنعمة ربنا هساعدك على اكتشاف اعماقك
انتى بتشتكى من زوجك انة مش مهتم بيكى ومش مديكى الشبع النفسى بالاضافة لكلام الاستاذ ايمن انة ينقصكم عشرة حقيقية مع المسيح رب المجد
انتى كمان ينقصك شطارة تعامل
بلاش تحسى انك دايما مظلومة بلاش بحسى انك دايما انتى اللى بتدى وانتى الشمعة اللى بتحترق لاجل الاخرين
حتى لو كان دة حقيقى
لان دة معناة انك حاسة ببر ذاتى لو دورتى جواكى هتلاقى بردوا ضعفات كتير وحاجات اكيد بتضايق جوزك منك ودة امر طبيعى بس الحب والعشرة بتتغاطى عن كل حاجة ولو استحملتية هبتسحملك بردوا وبكدة تمشى المركب بهدوء وسلام
حاولى تركزى على مميزاتة وتتكلمى فيها هتلاقية تلقائى بيعمل المستحيل علشان يرضيكى ويكون فى عنيكى فى اجمل صورة
ابتسمى اوعى تكشرى ابدا وخصوصا انك حامل
بالمناسبة انتى بتقولى انة بيساعدك فى امور البيت صدقينى دة دليل على محبتة ليكى ودليل على احساسة بيكى ودليل على انة انسان
اشكرية وحسسية انك مبسوطة ومعترفة بمحبتة
موضوع الشات دة كان بردوا من ضمن المشاكل اللى وقعت فيها صحبتى لانة دليل على الفراغ العاطفى والجوع النفسى
والكبت اللى جواها
اوعى تلجاى لية
اعتقد ان دى كانت مرحلة وعدت خلاص انتى دلوقتى متجوزة وممكن جوزك يتضايق لو عرف دة وبكدة تبعد المسافات اكثر احذرى يا عزيزتى ملوش لازمة خالص الشات مع الشباب اللى متعرفهمشى مش لانة غلط او جرم دى بتبقى وجهات نظر ولكن احتراما لمشاعر جوزك

انتى لما قلتيلة محتجالك جنبى وسابك وخرج
دة مش طبيعى ابدا ومش منطقى ابدا دة رد فعل لامر انتى محتاجة تعرفة سببة
دورى جواكى انتى على السبب ربما تكون المشكلة فيكى انتى مش فية هو
جايز متعود منك على اسلوب معبن بيضايقة علشان كدة سابك واشترى دماغة حاولى تكونى صادقة مع نفسك علشان تلاقى السعادة اللى بتدورى عليها
وعلى فكرة --
بنسبة كبيرة المضايقة والاحساس المتعب دة بيكون طبيعى اثناء فترة الحمل فخدى الامور ببساطة يا سيدتى علشان ابنك يطلع جميل زيك لان زعلك واكتئابك دة يؤثر علية ويورثة منك
بلاش ارجوكى
وربنا يفرحك ويبارك بيتك وحياتك واسرتك