رد: مش عارفة اعمل ايه؟
كُتب : [ 03-23-2012
- 09:39 PM
]
نفس المشكلة بتواجه بنات كتير
متزعليش منى كلامى هيبقى ناشف لأن واحدة قريبتى بتواجه نفس المشكلة ومتضايق من موقفها جدا
معندهاش الشجاعة انها تاخد قرار بفك الخطوبة ...جايز خايفة لتحس بالذنب ...او خايفة ميجيلهاش عريس تانى ...فى كل الاحوال دى تعتبر قلة ثقة فى النفس ومؤشر انها حتى لو كملت واتجوزت شخصيتها معاه هتكون ضعيفة جدا ونبؤة مشئومة عن مشاكل كتير هتواجهها
لو انتى ادركتى ان الالم اللى هتحسى لما تتجوزى شخص غير مناسب افظع بمراحل من قرار فك خطوبتك مكنتيش هتترددى ابدا انك تاخدى القرار المناسب
اتشجعى وبلاش تقللى من قيمتك ... هل انتى نفسك مش غالية عليكى علشان ترتبطى بشكل مهلك من دلوقت ؟!! اومال بعد كدة هيبقى حالك ايه معاه !!!!!!!!
اوعى تفتكرى ان ملاك من السما هينزل ويقولك : فكى الخطوبة , ولا تفتكرى ان الصلاة لوحدها من غير قرارك هتعمل حاجة , ربنا مش هيقتحم ارادتك, فكرى وخدى القرار المناسب وهيجى عليكى الوقت اللى هتقولى : انا ازاى كنت هكمل معاه ده ربنا نجانى , او يمكن تقول بعد ما يفوت الاوان "يا رتنى ارجع واغير الزمن"
انتى فيها من دلوقت !
|