ازايكم ف الاول
واسف علي تأخري وبعدي عن المنتدي فترة
انا عارف ان كتير هينتقدني ف الموضوع ده
بس رجاء محبة اقروه بالراحة وللنهاية
انا بتكلم عن نوع من انواع الاستهبال الغير مقصود .. بمعني ايه
واحد مثلا بيتكلم مع بنت شبه يوميا وبيرغي معاها كتير لدرجة انه ممكن يتكلم معاها اكتر من ساعة او العكس المهم البنت دي او الولد ده لو حد سألهم مثلا هو إنتوا يعني بتحبوا بعض يكون الرد لأ ده إحنا إخوات
بالذمة شايفين إنه ينفع يبقي في أخوة من النوع ده ، طيب هو أصلا ليه يتكلموا وليه يسمحوا بوجود لينك ممكن يؤدي لحب لو هما هيحبوا بعض طب مايحبوا لكن برده كتير يقولوا احنا اخوات وبس
طب بامانة لو انت ليك اخت بتتعامل كدة أو ليك حبيبة بتتعامل كدة مع شخص تاني فوق المحترم بمراحل حتي هتوافق
السؤال هو ليه ؟ الاجابة لانها مثلا بترتاحله طب مادي اجابة اساسا مصيبة ف حد ذاتها
طيب انا هبعد عن البنت وهكلم الولد وهقوله انت مين ضمنك انها متحبكش ف يوم م الايام وليه اساسا متحبكش ولو حبتك وانت مش ناوي تحب طب كانايه لازمة انك تتسبب في جرح مشاعر حد ولو حتي دون قصد
وبعدين برده ليه تتعدي الحدود هنقول في ناس بطبيعتهم كدة واجتماعيين زيادة عن اللزوم يبقي المفروض يحاولوا يعالجوا نفسهم لان الاجتماعية الزيادة اساسا مرض
وهكلم البنت بقي اللي برده بتتعامل معاه علي الطريقة دي واقولها متلوميهوش لو جه مرة وقال لك انا بحبك
المصيبة بقي الاكبر ان ممكن يبقي احد الطرفين مرتبط وبرده بيتصل بالتاني ده اللي هو مخاوي دي بقي مصيبة اكبر بمراحل لانه من المفروض ان الواحدة تبقي بترتاح مع حبيبها ومتبقاش مع غيره حتي لو اخوات اعتقد ان دي خيانة غير مقصوة بس برده خيانة
الموضوع محتاج امانة وتدقيق وتفكير ورجوع لمرشد روحي