[lolaemo]

المشاركة الأصلية كتبت بواسطة MICKEY كيف تعرف المصري؟ : المصري هو اللّي - بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد - بيحط الريموت كونترول في كيس بلاستيك كعادة فرعونية لا مش عادة نوع من انواع المحافظة عليه - يقف يتكلم على الباب نص ساعة بعد إنتهاء الزيارة والسلام يعنى اهو بناكد الوداع - لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد ههههههههههه يمكن تطلع مسابقة اللى يجمع اكتر يكسب اكتر - ييجي بعد معاده بساعتين ويفتكر إن ده عادي بعيد عنك طبع معفن بكرهه وبعدين الالتزام ليه ناسه - لسه عنده إصرار إنه يتكلم بصوت عالي في التليفون لما تكون المكا لمة دولية عشان التاني يسمعه هههههههههههه اصل زمان كانو لازم يعلو صوتهم لكن مش هيقطنعو ان الظروف اتغيرت - بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال - بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش لا ياميكى اكيد بيجلها يوم وتستخدم - عنده صينية مكسرات متقسمة لتلات او أربع أقسام لزوم المزاج وعمره ماإستخدمها لا دى جديدة اول مرة اعرفها - ممكن يعدي التلاتين ولسه عايش مع أمه وأبوه وماعندهومش مشكلة وحياتك وبيبقى لازم ياخد المصروف بردو متفهمش ازاى وبيبقى اسمه كبر وبقى راجل بلا خيبة - بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش اصل فى رمضان بيبقو صايمين وتعبانين ولوحاجة خلصت مش هينزل يجيب لو اية حصل ويسيب التليفزيون مينفعش طبعا - بيكون عنده شواية لزوم الرحلات أقصى استخدام لها كان مرة واحدة في العيد - بيشيل طابع البريد من على الظرف لو الختم ماكانش عليه لا بجد دى جديدة اول مرة اعرفها - بيفتكر إن أي حد بيشتغل في الخليج بيغرف فلوس من غير حساب اصل فى مصر طالع عينه والجنية مالوش لازمة بس الخليج مش بيقبضو بالجنيه ولو حسبناها هتلاقى ان اللى بيتصرف هناك زيه زى اللى بيتصرف هنا مع اختلاف اسم العمله - بيكون مشغول بقيمة التيبس أو البقشيش طول العشا ياترى ربع جنيه ولا نص جنيه ياعم هو معاه فلوس العشا بالعافيه مابلاش منها الاكله اللى هتيجى بوجع البطن - برده بيتخانق ساعة دفع الحساب بحرارة شديدة على إنه هو اللي لازم يدفع طبع مصرى مقرف بيوريهم جمال صوته - بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا ههههههههههههههههههههه مبيشلهاش فعلا والأسم مواطن مصري

مالاكش حل ياميكى بجد موضوع زى العسل ودمه خفيف زى صاحبه