رد: أطفال المنيا بيحضروا مدارس الاحد في كنائسهم المحروقة واحنا في القاهرة وإسكندرية ق
كُتب : [ 08-30-2013
- 03:30 PM
]
الموقف صعب جدآ ...!!!
انا لا ينفع اوافقك على كلامك وهجومك دة على اباء وخدام القاهرة والاسنكدرية
ولا ينفع اوافق موقف الاباء والخدام للسبب اللى انت ذكرتة ؛ مع العلم ان معظم الخدام ملهوش سلطة ولا رائ فى الموضوع دة القرار بيجى من فوق من الاباء المطارنة والاساقفة
عندى سؤال يا ماريو ..!!
ياترى حضرتك هتتحمل المسؤلية لو مخدومك طفل او شاب حصلة حاجة ؟؟؟
معتقدتش .. معلش مع احترامى ليك اللوم والمسؤلية مش هتكون عليك لانك مجرد خادم هتكون على الاباء اللى انت بتلومهم دلوقتى وهندخل فى متاهات وقضايا ومحاكم
وبدل ما تعلم ولادك التمسك بالكنيسة وقت الاضطهاد الباقى هيخاف واغلب الامهات مش هيبعتوا ولادهم تانى الكنيسة وبكدة نبقى وصلنا لنتيجة عكسية تمامآ .. كل دة وارد انة يحصل متستبعدتش حاجة
وطبعآ مينفعش نقارن نفسنا بمسيحى القرن التانى والتالت لأن مفيش وجة مقارنة بالمرة
ومع ذلك ذكر التاريخ ان المؤمنين فى العصور الاولى من المسيحية كانوا بيضروا يلجأوا للجبال والكهوف لما كان الاضطهاد بيشتد اوى من الرومان فى بعض الاوقات من الزمن
يا ماريو احنا بشر فى الاول وفى الاخر والتمسك بإيمانا دة المفروض يكون لما يجى وقت الخطر امسك فى المسيح مهما حصل
لكن مدام عارف ان فى احتمال لوجود الخطر يبقى اتجنبة لحد ما العاصفة تهدى والامور تستقر
ولعلمك بقى ربنا لو شايف اننا نستاهل الكنائس دى وحاسين بقيمتها حقيقى مكنش سمح بقفلها مدة من الزمن
اؤكدلك ان كلة للخير
|