[Dr.PeRO]

الكتاب بيقول ان النفس الشبعانة تدوس العسل .. طب النفس الفارغة بقى ايه اللى هيحصلها ؟؟؟ النفس اللى تربيتها مكنتش فى مخافة الله ولا فى اكتشاف حب الله للبشرية هيبقى مصيرها ايه ؟؟؟
المسيحية مش محتاجة اثباتات لنفسها ولا براهين ... هل يقدر حد ينكر ان الكفن المقدس مثلا مش هو كفن المسيح ؟؟؟ العلم والتاريخ والعقيدة المسيحية أيضاً أقروا ان الكفن هو كفن المسيح المصلوب عام 33 ميلادياً على الصليب .. المعجزة اللى فى الكفن ان الصورة المطبوعة عليه هى negative وده عشان وقت القيامة المقدسة نور واشعاع طلع من كل جسد المسيح وبعديها الجسد اختفى من القبر وترك الله لينا الكفن كشئ يذكرنا بما فعله لأجلنا .. وده مش كلامى ده كلام جروب كبير من أشهر العلماء اللى درسوا وتبحروا فى الكفن المقدس وكلهم أجمعوا انه فعلا كفن المسيح ..
ده مثال بسيط عن الكفن اللى بيمثل حب الله المعلن فى صلبه وموته ثم قيامته من اجلنا ,,, لكن هناك برهين كثيرة للغاية .. منها نبوءات العهد القديم اللى بتصل اعلانها ل700 سنة قبل الميلاد لكثير من الانبياء فى حقب زمنية مختلفة اللى تنبأوا بميلاد المسيح وموته صلباً وقيامته .. ازاى كل النبوات ديه بتوضح عمل اللى الفدائي للبشرية من اكثر من 700 سنة قبل مجئ المسيح نفسه!! فالمسيحية هى تكلمة لليهودية لأن اليهودية انتهت مع بداية العهد الجديد حيث تحققت نبوات العهد القديم فعلياً .. فالعلم والتاريخ يؤكدان مصداقية المسيحية وعلى من يرغب فى التأكد اولا عليه ان "يفتش الكتب" كما قال لنا الله ...