رد: انا محتارة جدا
كُتب : [ 10-22-2010
- 07:56 PM
]
[quote=سوسنة 2010;742157]انا داخلة المنتدى مخصوص علشان
اسمع ردك يااايمى
انتى فين يااايمى ؟؟؟؟؟؟
انا اهو يا حبيبتى انتى محسسانى ان فى عيلة ضايعة منك هههههههه
انا دخلت بعدها وانتى اللى اتاخرتى وانا نسيت الموضوع سورى يا قمر
انا كنت خايفة عليكى من كدة تصدقى كان نفسى تصمدى للنهاية وتكونى على موقفك للنهاية
بصراحة وللامانة انا لو كنت مكانك مكنتش قعقدت معاة من اصلة ومكنتش سمحت لنفسى ابدا احس ناحيتة باى مشاعر من اى نوع لانى عارفة انى مش هقبل العيب دة فية مهما كانت شخصيتة وظروفة السجاير ابعادها كتير اكتر مما تتصورى
اسمعى يا سوسنة ياريت تخليكى صريحة مع نفسك وانتى ادرى بضعفك وقوتك وعارفة اكتر من اى حد تانى اية اللى تقدرى تتحملية واية اللى لا
لو انتى حاسة ان عيبة هيكون عقبة بينك وبينة بلاااااش علشان متتعبيش انتى وهو فى المستقبل ومتحطيش فى ذهنك انة هيتغير بسببك ومتصدقيش وعودة ولعلمك هو لما بيوعدك بانة هيبطلها ممكن يكون فى نيتة صادق بس ساعة التنفيذ بتكون صعبة لازم الرغبة تبقى من جواة ولازم عزيمة وارداة ومعونة من ربنا بعيد عنك انتى خالص متكونيش انتى والسجاير فى كافة واحدة متحطيش نفسك مع السجاير فى كافة واحدة اوعى تعملى كدة
لو حاسة ان دة مش هيفرق معاكى كتير وان مميزاتة اللى بتتكلمى عنها هتغطى على العيب دة خلاص ربنا معاكى ويفرحك وانتى صلى كتير صدقينى الصلاة بتعمل معجزات لو بقى معاها ذرة ايمان
الرب يعطيكى حسب قلبك ويفرحك دايما يااارب
ابقى طمنينى عليكى يا قمر
|