رد: لو كنت مكانى كنت هتعمل ايه ؟
كُتب : [ 04-17-2011
- 08:17 AM
]
بصي يابنتي الحبيبة
هااكون صريح معاكي وهاقراكي من جواكي
انتي يامي عايشة داخل نفسك بس بمعني ان اي مشكلة او اي فكر بيعيش جواكي وتتفاعلي معاة ويعشش في عقلك وقلبك كل الوقت مش بتخرجية او تتجاهلية
ولما اقول مش بتخرجية مقصدش انك تحكية لاي انسان
انما بصراحة اطرحية لربنا كلمية قولي لة انا تعبانة من الفكر دة مش عارفة اعمل اية وماليش صديق الا انت مش هااسيبك الا لما تطرد الافكار دي من عقلي
ثانيا 17 سنة عمرك سن القلق وفية البعض بيحب يكون منطوي علي نفسة دة بالاضافة الي صحوة لشباب ومتطلباتة
17 سنة امك وابوك بيتخانقوا؟
طب ياحبيبتي انتي دورك اية؟
اتخنقتي من الاتنين مش كدة وكرهتي عيشتهم
بتقولي انك بتصلي احيانا
كويس حتي احيانا دي ممكن ليها نتيجة
يعني فكرتي تكوني حمامة سلام بين امك وابوكي؟
حتي بضحكة ليهم حتي بكلمة حتي ولو ايجي في صف ابوكي قدامة ولو صاحب حق وبعدين تكلمي امك بحكمة وتعلميها
واضح يابنتي ان كل اسرتك محتاجة لرعاية حد حكيم يشدهم لربنا مش انتي بس اللي تعبانة
اسمعي اللي هااقولة ليكي كويس
مش هتعيشي في سلام لوحدك
لكن سلامك جزء من سلام اسرتك
واسرتك ابوكي وامك مش هيعيشوا بسلام الا من خلال صلواتك من اجلهم
وصدقيني لو كنتي بنت عاقلة هتقدري تعملي دة
من كلامك انا شاعر بخوف عليكي
كتير بنات زي جضرتك توهموا انهم مش مرتاحين مع ابوهم وامهم وعند مايلاقوا اي شخص كلامة ناعم ومريح يترموا ويجروا وراة ويضيعوا
يابنتي فوقي
اتصالحي مع نفسك الاول
بالصلاة لربنا غير كدة صعب اي حل
لاقي حياتك مع ربنا كلمييييييييييييية
انتي مش في مشكلة
انتي مش عايزة تتعبي نفسك وعايشة جوة ذاتك بس
متقلقيش سلمي الامر لمن بيدة الامر لربنا يسوع لانة مريح التعابي
وهو ملك السلام
وتاكدي انة هيسمعك كويس قوي
وهايريح قلبك
بس كلمية
وابقي ابعتي الرد
ربنا يحافظ عليكي وعلي اسرتك
سلام المسيح يملا حياتكم
|