تعادل منتخب مركز شباب مصر مع منتخب زامبيا
كُتب : [ 03-29-2009
- 11:43 PM
]
طبعا انا ملاقيتش اسم افضل من كدة
لان منتخب مصر لم يعود من غانا حتى الان
لان منتخب مصر بقى يتحكم فية شوية معلمين مع المعلم الكبير
لان منتخب مصر مبقاش مرعب دا بقى يترعب علية من اى كورة
لانى ولاول مرة ابقى عارف ان الماتش لو زاد نص ساعة المنتخب مش هيحط جون منتخب مصر يا جماعة اليوم لم يذهب
لم يذهب البلدورز لم يذهب الساحر
لم يذهب السد العالى لم يذهب الصخرة
لم ياتى النسر لم ياتى الدينمو حسنى عبد ربة
فى الاول انا مش هاخد تحليل للماتش لننا احنا الى عايزين نحلل
اولا السبب الرئيسى هو المعلم
الى افتكر نفسو معلم فعلا
العبقرى الساحر الجديد الى الى الى
يعنى اية ميلعبش بتلاتة دفاع
يعنى اية يلعب فتحى فى مكان مش فى مكانو
يعنى اية واحد زى احمد حسن دا
الى مبصاش كورة سليمة الى مش قادر يجرى يلعب
ماتش كامل وحسنى عبد ربة الى افضل منو متين مرة
يبقى احتياطى
يعنى اية فتح الله ميلعبش دا راجل دى حتتو
دا راجل فاهم وعارف
وبركات الى ملعبش نص لعبو فى الاهلى
نص اية دا ربع تمن دا راجل لاعيب محلى
ومتقولليش مبيلعبش فى مكانو
الاعيب لاعيب فى اى حتة ومتنسوش
ان جوزية لاعبو فى المكان دا قبل كدة والاخ احمد فتحى
الى لعب قدام الزمالك ديفندر موت نفسو ولا لعب ببصلة
ووائل جمعة الصخرة النهاردة احسن الوحشين مش فى
حالتو خالص وهانى سعيد والله النهاردة حسيت انى بتفرج على لاعيب ناشئ
والاخ الكبير شوقى السبب الرئيسى فى الجون
جاى ينام قدام الواد بدل ما يلعبها بدماغو والاستاذ زيدان
الى اسم على غير مسمى خاااااالص
استاذ عماد متعب عماد مقلب عماد مخرب
تعبان ملة والدورى الى بيلعب فية مئثر علية
وعمرو ذكى النهاردة كان بيلعب لوحدة
وميدو ياريت يسترجل ويحلق شعرو ويبقى راجل
فى الملعب شوية
وفى النهاية الاستاذ الكبير عمنا وعم الناس
الى نكد على الى جاوبنا المعلم حسن شحاتة
الله يباركلة لازم يدخل بركات وخلاص يعنى هى
حشر وخلاص وبعدين انتا عايز تلعب دفيندر ما تلعب فتح الله
او احمد السيد على الاقل عندهم خبرة المكان
وبعدين احمد حسن كان لازم يخرج لاعيب مريض بداء الكبتنة
او بالعربى صاحب الفريق كورنر يرفع فاول يشوط مباصية تتقطع
عادى لاعيب بييييييييض خالص
بجد حرام وبداية مشرقة بالتفائل وكل سنة وانتو
طيبين فى انتظار عودة الرجالة من غانا
ومبروك لشباب زامبيا الى متعونى كورة بجد لاعيبة رجالة
ودا تقيم الاعيبين من وجهة نظرى
عصام الحضرى 6
لم يختبر كثيرا وانقذ انفراض ولة نسبة ولو بسيطة من الهدف
هانى سعيد 5
اوحش مبارة لهانى على الاطلاق
وائل جمعة 7
اكتر واحد كان فعلا شايلنا فى الدفاع ومش مستوى وائل بردو
بركات 3
دا مش بركات بتاع الاهلى دا بركات بتاع فيلم المولد
احمد فتحى 2
انتا اية الى جابك يا ابنى وانتا عندك السكر حرام تلعب فى المنتخب بالمستوى دا
احمد المحمدى 6
عمل شوية اوفرات كويسية ولعب كويس النهاردة بس عيبو انانى شوية
محمد شوقى 4
الجون الى دخل بسببك ضيع كل مجهودك فى الماتش
احمد حسن 2
اسوء مباراة فى تاريخك والاعتزال قرب يا ابو حميد
محمد زيدان 3
كان نفسى اشوف منك اكتر من كدة بس للاسف
عماد متعب 1
انا سمعت اسم متعب دا قبل كدة فييييييين
؟؟؟؟؟
ميدو
لم يختبر كثيرا
ابو تريكة
مش هديك درجة بس الكورة الانفراد لو جاتلك فى الاهلى
هترقص يمين وشمال وفوق وتحت وبالعرض وبالطول
وهتروح بيها نص الملعب وفى الاخر هتيجى جون
عمرو ذكى 8
راجل يا ابنى وهتفضل طول عمرك تايجر
بس للاسف كنت بتلعب لوحدك النهاردة
وياريت كل واحد يقيم الاعيبة بالى شافو
وليس بالقديم
وادى الاهداف
سامحونى يمكن اتكلمت بقوة شوية
بس كنت اتمنى اشوف منتخب بلدى يبقى افضل من كدة
او كنت بحلم بفرحة تقربنا من الحلم الكبير
الى نفسى اشوفو قبل ما اموت مش اسمع عنو بس
ربنا معانا ومعاكو
التعديل الأخير تم بواسطة ELMAGEK ; 03-29-2009 الساعة 11:55 PM
|