في مشكلة بتقابلنا في الخدمة وهي طريقة توزيع الميزانية في مدارس الأحد على الفصول من غير مايكون في ظلم لفصل عن التاني، ومن غير مانسيب فرصة لخادم معاه فلوس إنه يجيب حاجات لفصله يتميز بيها عن فصول تاني خدامها مافيش معاهم نفس الإمكانيات..
فبيحصل كتير في هدايا أعياد الميلاد والإفتقاد والمواظبة والحلويات ..الخ، إن الخدام لو سابوا الموضوع في إيد أمين الصندوق انه بيروح يشتري هدايا مش بتعجب الخدام حتى لو الخدام دفعوا عشورهم لامين الصندوق، ولو هو ساب الموضوع في ايد الخدام بيحصل ان فصل بيشتري هدايا أعلى بكتير من هدايا فصل تاني وده بيخلي مافيش وحدة في التوزيع ومساواة بين المخدومين..
ده غير إن في حاجات معينة الصندوق مش بيقدر يغطيها زي الخلوات وهدايا المسابقات الصيفية ودراسة الكتاب .. وغيرها، وهنا بيضطر الخدام إنهم يدفعوا من معاهم وكل فصل بيبقى عامل صندوق لوحده، وده بيرجعنا تاني إن مش بيحصل مساواة بين الفصول، والخدام بيقولوا مادام كده كده بندفع يبقى ماحدش يطالبنا بدفع عشور لصندوق الخدمة.
فياريت تشاركونا بأفكاركم، إزاي بتنظموا توزيع الميزانية على الفصول بحيث إن يكون في مساواة بينهم، وفي نفس الوقت كل فصل ياخد الحاجة اللي تناسبه.