كلامك يااستاذ ايمن لية تاثير اقوى من السحر - كل كلمة كانها خنجر بتزرعة ف صدرى - وبتكشفلى الحاجات اللى جوايا وبحاول اخبيها على نفسى قبل الناس .
انا بحبها ودلوقتى مستعد اعمل اى حاجة عشان هى تبقى مبسوطة حتى لو الحاجة دى انى ابعد عنها
بس الموضوع دة عايز ارادة فولاذية ومش عايزك تقولى استطيع كل شئ فى المسيح الذى يقوينى .
انا عارف ان اللى ف المسيح يقدر يعمل المستحيل لكن انا بعيد جدا عن ربنا ويمكن دة كان سبب فى انى اقع ف لعبة زى دى من العاب الشيطان عشان يبعدنى اكتر واكتر عن ربنا ويخلى طريق رجوعى اصعب
انا مش عارف لية يااستاذ ايمن بحس ان ربنا بيسيبنى لعبة فى ايد الشيطان يتحكم فيا زى ما هو عايز -
انا بشرب سجاير واول مافكرت ابطلها لقيت نفسى اتحطيت ف ادمان جديد غير السجاير عشان ابليس يبقى ضمن لنفسة طريق تانى غير السجاير يخلينى قريب منة
المهم انى مش قوى لدرجة انى اخد قرار زى دة لانة قرار مش سهل (بالنسبالى) بس للاسف هو دة اللى لازم يتعمل
ومش خايف من الم البعد على قد ما خايف منها هيا هى اللى ممكن تخلى الموضوع صعب عليا لو ماوافقتنيش ف رأيي - او خايف لو شفتها اضعف - حاجات كتيرة يااستاذ ايمن
ياريت لو تقدر تقولى خطوات او نصايح وانا هانفذها بالحرف بس قوللى اعمل اية بالظبط
وشكرا جدا جدا جدا على اهتمامك
معالش قبل ما انشر كنت عايز ارد على حد كان بيقوللى اختك ولو واختك مكانها والكلام اللى مالوش لزمة دة (انا اسف يعنى) انا اتعودت دايما قبل ما احكم حكم على حد احط نفسى مكانة واحاول التمسلة الاعذار واعتقد ان لو بنتى او اختى اتحطت ف الموقف دة عمرى ماهجرحها ولا هالوم عليها لان انا بحب البنت دى نفس حب اختى او بنتى - لما بتقوليلى لو اختك مكانها بتحسسينى انى هاحب اختى واخاف عليها اكتر منها بس دة مش مظبوط -- وشكرا ليكى