[رويس]

كلامك يا استاذ ايمن هو الصح وهي دي بعض قوانين الرهبنة وهناك اكثر من ذلك انا فاكر اني قريت تقريباً في كتاب اسمه الرهبنة لابونا يوسف اسعد او الرهبنة القبطية في عصر الانبا مقار (حاجه من الاتنين دول وعلي منا اظن الكتاب الاول)
ان الدير كان بينصح الناس انهم لما يجوا يزروا الدير ويشوفوا راهب ماشي ميروحوش عليه ويبوسوا ايدوا بل يتركوه لحاله ،وكمان غير مستحب بالمرة ان الراهب مش بس يجلس مع فتاه او ياخد اعتراف من فتاة بل غير صحيح انه لما يشوف طفل يحط ايده علي راسه او يطبطب علي كفتة او ياخده علي رجلية لئلا يستخدم الشيطان هذه المواقف علي الراهب في الحروب الروحية
وانا مش عارف ايه اللي بيخلي بعض الناس تتباهي انها بتعترف عند راهب ؟ علي اساس ان الكاهن اللي في الكنيسة وحش يعني ولا مينفعش ؟
يعني الراهب سايب الدنيا كلها ورايح الصحراء علشان يعيش مع ربنا يقوم يلاقي العالم بيجيله لحد الدير بحجه انه بقي فلان عاوز بركة اللي زي ما حضرتك قولت الناس فاكراها سحر بيخرج من الراهب، او فلان بيعترف او فلان يروح للراهب فلان علشان يصلي ليهم علشان الامتحانات
المشكلة انك لما تيجي تناقش الموضوع بعقلانية يتهموك بالتطرف وبعضهم قد يشكك في مسيحيتك من الاساس
هههههههههههه
ربنا يرحمنا ويدينا روح الافراز
وبالنسبة للاخت اللي ابونا حط ايده علي كفتها عاوز بس اقول لحضرتك حاجه ان متخليش الموضوع يبقي بالنسبه ليكي زي اخوتنا المختلفين معانا في الدين، اللي هو محتاج ياخد فتوة بكل شئ
سواء انه يدخل الحمام برجله اليمين او الشمال، ياكل بايده اليمين ولا الشمال، هل يجوز انه يشرب وهو جالس ولا لازم يبقي واقف و...و...
احنا ربنا مش بيتعامل معانا بالطريقة دي ومش دي طريقتنا حتي لسوكنا في الحياة، فالموضوع ببساطة شديدة يعتمد علي ايمانك انتي
سواء بايمانك في ان ربنا هايمد ايده من خلال فلان او فلان سواء فلان ده راهب او علماني او شخص اخر
ياريت بس تبقي تقوليلنا اسم الراهب والدير علشان نبقي نروح نتصور احنا كمان معاه ولا هو يعني احنا ولاد البطه السودا ؟!!
وكنتن عاوز بس اسئل استاذ ايمن هو مفيش وثيقة زي اللي حضرتك نشرتها قبل كده بس تكون بتتحدث عن قوانين الراهب من حيث تعاملاته وتدبيراته وصلواته ؟
زي مثلا قوانين الاكل والشرب والاستحمام والمطانيات والصلوات والملابس وما الي ذلك لان الكتاب عندي اللي فيه الحاجات دي شبه ضائع