يسوع
قالى انا
حارسك مالك خايف من ايه
حملك واخدته عنك مالك تعبان من ايه
خوفك ده عدم ايمان تعبك ده ملوش مكان
سلمت الدفه لمين يحدفها شمال ويمين
ليه تايه يا مسكين ولا ليك ملجاء ومعين
ليه تعيش فى الدنيا شريد وانت ليك كل المواعيد
انا عندى ليك بركات بس انت قولى هات
اديك من غير حساب خيرات من عند الاب
فى نهايه المى وتعبى قولتلهم انا عطشان
وفى عشطى وظمئى رويتك وبروحى بقيت مليان
تصرخ دايما وحزين وكان ملكش معين
سلمت الدفه لمين يحدفها شمال ويمين
ليه تايه يا مسكين ولا ليك ملجاء ومعين
ليه تعيش فى عطش وجوع وعينيك مليان دموع
انا عندى ليك بركات بس انت قولى هات
اديك من غير حساب خيرات من عند الاب
نكست علشانك راسى اكليلى كان اشواك
وبموتى اخدت حياتك بعد ما زالت خطاياك
ليه انا شايفك حيران كان املى تكون فرحان
سلمت الدفه لمين يحدفها شمال ويمين
ليه تايه يا مسكين ولا ليك ملجاء ومعين
ليه تعيش عبد ومملوك وانت ابوك ملك الملوك
انا عندى ليك بركات بس انت قولى هات
اديك من غير حساب خيرات من عند الاب