الشخصية الضعيفة : طبعا دايما وحدك ..
الناس كلها بتخاف تقرب منك ..
ماهو من الآراء اللى كل شويه تطلعى بها .
الشخصية القوية :
أنا مش وحدى أبدا والناس مابتخافش إلا من صراحتى اللى أقدر أدافع عنها طالما إنى اتكلم وأفكر صح.
الشخصية الضعيفة :
طيب وليه تفكرى وتتعبى نفسك ؟!
إمشى مع اللى الناس عايزينك تعمليه .
الشخصية القوية :
انا إتعودت أخد قرارى بنفسى علشان ابقى مسئوله عنه .
الشخصية الضعيفة :
طيب وليه ؟ تشيلى مسئوليه وتتعبى فى التفكير؟؟
ماتخلينا نمشى زى الناس ما عايزه تمشينا ..
كده أسهل .
الشخصية القوية :
الإنسان يتعلم من الخطأ فإذا فكرت وأخطأت لن أكرر خطأى مره أخرى
وكده يبقى خدت خبرة الحياه
الشخصية الضعيفة :
ده كلام فاضى مافيش أحلى من الراحه والسلبيه ..
جربى ده إحساس جميل أوى انك تحسى إن الناس بتحبك علشان انت مسالمه و فى حالك ..
الشخصية القوية :
إزاى ..؟ إمال أعتبر نفسى شخصيه إزاى ..
كده أنا زى أى حاجه مالهاش قيمه غير انها موجوده وخلاص
الشخصية الضعيفة :
أنا اعمل اللى الناس عايزنى أعمله .. هو ده الكلام !! .
الشخصية القوية :
يبقى إنت بتنفذى خطط الناس وأراؤهم .. طيب فين رأيك ..
فين وجودك .. فين كيانك .. فين شخصيتك ؟ .
الشخصية الضعيفة :
موجوده ... بس الناس هى اللى تخليها تظهر مش أنا !!
الشخصية القوية : يعنى أنت آداه فى يد الناس .
الشخصية الضعيفة : وماله بس كلهم بيحبونى .
الشخصية القوية :
محبوبه علشان مش موجوده ولا يمكن الناس تجتمع على حب تصرف معين لازم برضه فى ناس تكرهك رغم مسالمتك ..
وبرضه فيه ناس بتكرهك علشان ضعفك ومش عايزه أقولك بتحتقرك !!
الشخصية الضعيفة :
ماإنت قولتيها ..
بس أنا مبسوطه ان على الأقل ماحدش بيقول عنى حاجه قدامى ..
الشخصية القوية :
مافيش فرق .. لكن انت حاسه إنك موجوده ؟ بتأثرى ؟
الناس بتعمل لك حساب ..؟
الشخصية الضعيفة :
مش عارفه .. قول إنتى !!!
الشخصية القوية :
ده اللى إحنا بنقوله من الصبح ..
عند ما ناخد رأيك تدورى على حد يقوله بالنيابه عنك !!!
الشخصيه الضعيفه :
مش عارفه !!
الشخصيه القويه :
تاننننننننننى!!!!