كنت اتكلمت مع حد ف منتدى تانى و قلتاها انى انى موهوبة ف حاجات كتير و مش عارفة احدد هدف لحياتى وهى قالتلى ان تحديد الموهبة بييجى من اكتر حاجة الواحد بيحب يعملها . لما جيت اتكلم مع اب اعترافى و قلتله انى بحب المذاكرة جدا و بحب المذاكرة و بخاف على دراستى قاللى انتى نفسك تبقى استاذة ف الجامعة قبلها كنت بصلى لربنا انه يبعتلى ارشاد من اب اعترافى يساعدنى احقق هدفى و فعلا لقيت كلامه بيعبر عن اللى جوايا لكنى اكتشفت حاجة اخيرا و عايزة اخد رايك فيها انا فعلا نفسى ابقى استاذة بس مش ف كليتى لا ف الكلية الاكليريكية لانى لقيت نفسى اكتر حاجة بحب اعملها هى القراية ف الدين و لما حبيت يكون ليا نشاط ثقافى ع النت عملت موقع دينى و كمان لما اجى امسك كتاب ف الدين ممكن اقرا 20 او 30 صفحة مرة واحدة و مسيبوش الا لما عينى توجعنى على العكس تماما لما اجى اقرا ف الادب الانجليزى او التربية بزهق من اول 5 صفحات ده لو كملتهم حتى لما حبيت اعمل بحث عملته ف الدين . يعنى باختصار انا انا حاسة ان ميولى رايحة اكتر للمجالات الدينية برغم انى بحب الادب الانجليزى مش بكرهه لكن اهتمامى بالدين اكتر . يمكن زمان عشان و انا صغيرة كنت بعيدة عن ربنا و كانت دايما بتشغل دماغى اسئلة ف الدين و كنت بهتم بالبحث عنها الحمدلله لقيت الاجابة و دلوقتى متشوقة لمعرفة المزيد . فى اللى قاللى خليكى ف دراسة الادب و خلى البحث اللهوتى يبقى نشاط زايد لان دراسة الادب فرصتها احسن ف الشغل و كدة بس انا مش حاسة الحكاية دى حاسة انى مش هاقدر ادى الاتنين حقهم هبقى عالمة زى اللى بيخدم الله و المال . وفكرت ف ان دراسة الادب او التربية ممكن توصلنى لاعلى المناصب ف التربية و التعليم و لبقيت بعد كدة ان ده حب للنجومية و الشهرة مش للادب الانجليزى و حطيت قدامى الاية اللى بتقول ماذا ينتفع الانسان لو ربح العالم كله و اخيرا خسر نفسه . ماما و بابا نفسهم يشوفونى استاذة ف الجامعة و انا مش عايزة اكسر خاطرهم يعنى لما ابقى عالمة ف اللاهوت ده هيشرفهم برضه اانا لسة مكلمتهومش ف الموضوع . بس انا عايزة رايكم و صلولى جدا