ابنى فمعهد خاص ....
كُتب : [ 11-20-2008
- 06:46 PM
]
ابنى فمعهد خاص
خلص على فلوسى خلاص
بدفع كل سنة بالالفات
عشان فالاخراشوف تقديرات
كل يوم والتانى عايز كتاب
وياريته بيفتحه ويعرف حتى الابواب
اطلع من جيبى 50 جنيه
يضحك ويقولى ده تمن الكارنيه
ويفضل يضحك على استغرابى
ولولا العيبة كنت قولت ياخرابى
وببرود يقولى ايدك على 65 جنيه
بحرقه اقوله ليـــــــــــــــــــــــ ــــه
يطلع فالاخر كله علشان الشيت
الضغط على وراسى هتشيط
اصل لو مدفعتش هيشيل السنة
وارجع برضو ادفع انا
غلطة وبدفع تمنها
دخلته خاص مهو كان فى غيرها
وبعد ده كله طلع المعهد مش معتمد
وال انا على الشهادة معتمد
كل الفلوس طارت فالهوا
جتلى امراض الدنيا ومش عارف اجيب الدوا
جمعيات دخلتها وفلوسها خلصت
سلفيات استلفتها ويارتها ما حصلت
شوفته الخيبة اللى انا فيها
محدش غيرى حاسس بيها
مقدميش غير حلين
يااما اعرف اجيب فلوس منين
او انتحر من الدور الخمسين
قولولى انتم حل يا ناس
اقتل ابنى واولع فالمعهد وخلاص
وكدة يبقى ضربنا عصفورين بحجر
ولو اتسالت هقول جالى جنون البقر
اخرتها هتحبس 15 سنة
معاها اشغال شاقة مؤبدة
شوفتو الهنا اللى انا فيه
كل ده فقلبى ومخبيه
قريب هتشفونى فبرنامج الجريمة الساعة ستة
اسمعو حكايتى واواعى تغير المحطة
بقلم ميسوووووووووو
التعديل الأخير تم بواسطة miso ; 11-20-2008 الساعة 07:16 PM
|