رد: كيف يكون برنامج اليوم لمدارس الاحد
كُتب : [ 10-20-2010
- 12:55 PM
]
- مبدئيا البرنامج بتاعكم يامس مش حلو هو مش مطلوب يبقي مليان وف نفس الوقت مينفعشي يبقي قليل
- انا من وجهة نظري ممكن يبقي البرنامج كالتالي
- فقرة ترانيم ولازم تتضمن ترنيمة جديدة كل فترة لان مينفعش نعتمد علي نفس الترانيم هي هي طبعا دي بعد الصلاة
- بعد كدة يبقي مثلا فقرة سنكسار ومنلتزمشي بسنكسار اليوم زي ماناس كتير بتعمل لا احنا ندور عن احتياجات اطفالنا مع ذكر طبعا ان انهاردة كذا قبطي
- بعد كدة ممكن فقرة اسئلة تكسر الروتين وتطلع العيال زي ماانتوا بتعملوا فقرة دردشة
- وبعد كدة فقرة طقس لانه مهم جدا ف الفترة دي لان لو الخدمة مشتركة هيبقي في شمامسة ولو مش مشتركة برده البنت بيبقي عقلها كبر ومحتاجة تفهم ايه اللي بيحصل ف كنيستها
- وبعديها الصلاة متضمنة ابانا اللذي وفلنشكر صانع الخيرات وارحمني يالله كعظيم رحمتك وياريت الولاد علي قد ماتقدروا يشتركوا ف الصلاة
- وبعد كدة توزيع الفصول
- طبعا هتقولوا ايه ده كله وامتي
- هرد
- تقريبا ميعاد خدكتكم 12 لان القداس ف كنيستنا البدرشين بيخلص تقريبا عشرة ونص هنفترض 12
- يبقي من 12 : 12 وتلت ترانيم
- 12 وتلت : واحدة الا تلت سنكسار
- 1 الا تلت : واحدة أسئلة
- 1 : 1 وتلت طقس
- 1 وتلت : 1 ونص صلاة
- 1ونص : 2 توزيع فصول ودرس
- لازم تدخل فقرات جديدة كل تلت اشهر ع الاقل زي فقرة الحان وفقرة لغة وكتاب مقدس وشخصيات كتابية
- ولازم يبقي في شهريا يوم ترفيهي تعملي فيه اللي تحبيه مسرحيات اسكتشات ورش عمل اعمال فنية
- علي فكرة انتي عارفة طبعا اني مسئول عن خمسة وساتة في ميت رهينة والبرنامج بتاعنا اكبر من ده كمان بفقرة
|