كم انى اكره هذة البلد
اكرة كل ما فيها من فساد و عدم نظام
لا استطيع ان اتعايش فى بلد لا اشعر فية بالامان
والاصعب انى مضطهد فية ولما لا وانا مسيحى؟
اشارات الارصاد الجوية انة سيكون يوم بارد جدا شديد البرودة ليلا
استجمعت كل ما عندى من ملابس وهممت بالنزول
ركبت سيارتى و اذ بالوقت قد تاخر
اسرعت و فى طريقى وقفت فى اشارة انتظرت طويلا وطويلا
انة موكب احد المسئولين يمر
استشط غيظا وقهرا
تحركت السيارات ببطء حتى وجدت نفسى وانا على حافة العبور واذ بة يقفزامام سيارتى باصبعة معلنا بذلك انى ستاخر خمس دقائق اخر حتى ياذن لى ويفتح الاشارة
لم اتمالك نفسى انفجرت فية زعيقا و شتيمتا
اهنتة بكل ما اؤتيت من قوة
فرد بهدوء بالغ يا بية انا عبد المؤمور
وصلت و كانت الساعة تشير الى الثامنة و خمسة وعشرون دقيقة ومادمت قد تاخرت اهوة تاخيرة بتاخيرة
نزلت امام البنك فوقف امامى قائلا
البنك لسة ما فتحش حضرتك
يعنى هايفتح امتى ؟ سالتة باستفزاز
خمس دقايق كمان
اية الدقة دية؟ امال يعنى مبنشفش الدقة دية فى شغلكم لية؟
ولا هما احنا عبيد عندكم ولا اية موش عارف؟
يعنى اقف فى السقعة دية خمس دقايق علشان البنك لسة ما فتحتش
افتحلى احسنلك
حضرتك سقعان من خمس دقايق وانا بايت هنا من امبارح؟؟؟
اخذت ما لى و ذهب للعمل و فى مأمورية سريعة نزلت مرة اخرى لوسط البلد
انظر يمينا ويسارا الف كما تقول الاغنية مثل التعلب اللى فى ديلة سبع لفات
لا اجد مكان لانتظار السيارة
واخيرا وجدت صف ثانى
وقفت و نزلت من السيارة فوجدتة مسرعا
ممنوع الركنة هنا يا بية الونش جاى
انت بتهددنى انت موش عارف انا مين
العربية اهية ولو اتلمست هابهدلك؟
يا فندم دة نظام
نظام على نفسك انت واللى بعتك موش متحرك
انا تحت امرك يا بية بس لو سمحت متتاخرش وانا هاستنى جنبها لحد ما تيجى
انهيت المأمورية ورجعت فوجدتة بجوار العربية كما قال لى
اخرجت جنية واعطيتة لة
فرفض !
موش بنعمل كدة؟ نعاملهم كأنهم عبيد عندنا فى السرايا
كل قرفنا من البلد او من غير البلد بنطلعة على جتتهم
فى منهم تحولوا الى العكس واصبحوا بمنتهى قلة الادب
بس سالت نفسك لية هما كدة؟
هل فكرت تتعامل معاهم باحترام لانهم بنى ادمين زيك ولاقيت منهم العكس
حتى وان كان هل المسيح اوصانا اننا نكون مجحدين وذو سلوك سافل؟؟
هل هو انسان خالى من المشاكل و مسخر لخدمة حضرتك فقط؟
هل تتصور لو كل واحد عمل معاة كدة فى اخر اليوم هاتكون نفسيتة ازاى؟
هل تعلم ان كل مرتبة فى الشهر لايصل باى حال الى 150 جنية
يعنى ثمن جزمة حضرتك؟
هو فعلا عبد المأمور ولو منفذش الاوامر ممكن يتسجن او يتجازى ودة بسبب حضرتك بردة
فكر تانى و بصلهم بنظرة مختلفة
موش عيب لو غلطان تعتذر وتقولة انا اسف بس ساعدنى
حط عينك فى عينة و بهدوء اطلب منة المساعدة
هو موجود لمساعدتك موش علشان يقرفك فى عيشتك
وفى الاخر هو انسان لية حق يروح بيتة موش قرفان كل يوم بسببك انت وانا و غيرنا
انتهر كل انسان بيغلط فيهم وخليك انت مثال للمحبة
المسيح لم يعامل احد قط بتعالى او لم يضع حدود مع البشر
حبهم رغم كل الفساد اللى فى بلدنا بس هو موش سبب الفساد دة
جربت عاملهم بحب و جرب تانى ولو بمزحة بيسطة فى الحوار وشاهد ما سيفعلوة من اجلك