[ريم الخوري]

بالبداية احب اشكر اختي ايمي اللى مهما وصفتها ميش اوفي حقها بطيبة قلبها ومحبتها لاخواتها وبذلها للخدمة دي ثمره من ثمر المحبة اللى قدمتة ليا وللخدمة

كل سنة وانتي طيبة وكل سنة ولادك فرحين فيكي وبخدمتك وربنا يثمر بتعبك اخت ايمي ويباركك ويحفط ليكي حياتك بنوره ورعاية الرب



هدية يسوع فى عيد ميلاد

جرس الباب يرن تفتح الام
روز: مساء الخير طنط
ميلاد مجيد المسيح ولد
الام : هلليوا

روز : ازيك يا طنط وازاي صحتك
كل سنة وانتي طيبه
الام وانتي طيبة يا حببتي
روز : ها بطوطه جاهزة
الام تقول ويحيره: بطوطة مين يا بنتي
روز: اي دا يا طنط ميش عارفة مين بطوطة ههههه نور
اه وبتضحك : اهي جوا
روز: جاهزة
الام صدقني ميش عارفة شكلها لا
روز أي لالالالالالالالالالا البت دي حتفرسني دايما كده متاخره
بعد ازنك يا طنط ممكن ادخل اكلمها واوقع ليكي قلبها على شان تحرم تتاخر هههههههه
تفضلي يا بنتي ههههههههه بس بالراحة عليها
متخفيش يا طنط ولو ووووووووو دي حببتي معقولة
روز تمشي شوية شوية لحد غرفة نور وتعمل ليها بععععععععععععععع بشكل مخيف
نور: يخرب عقلك ميش تبطلي وقعتيليى قلبي أي يا بنتي خدي راحة من لماضتك دي الليلة عيد يا وحشة يعني تغيري بقي شوية من عوايدك اللمضة دي وتقولي كل سنة وانتي طيبه بدل ما ترعبيني

روز مساء الخير يا قمر
كل سنة وانتي طيبة ميلاد مجيد


نور : مساء النور جيتي امتى
روز: دلواتي حالا

روز : انتى لسة ملبستيش كدة هنتأخر على قداس عيد الميلاد انا قلت هاجى الاقيكى جاهزة

نور: بصراحة انا مش هروح با روز مش هينفع

روز : نعم يختي قوميي بلا دلع
نور : انتى بتقولى اية ؟ لا بجد ميش حروح ؟
روز: ليه يا حببتي تعبانة ولا حاجة ؟

احنا متفقين هنروح الكنيسة سوا ونحضر قداس عيد الميلاد ونقول لربنا يسوع كل سنة وانت طيب فى عيد ميلادة هتفوتى مناسبة زى دى ازاى !! ؟؟

نور : هوا حفوتها بخاطري يعني : بقولك اية لو تحبي ما تيجى تقعقدى معايا وصديقينى انا هعملك سهرة محصلتش واجبلك لب وسودانى ونشغل فيلم فيديو جديد هيعجبك جدا جدا -- خليكى معايا وهبسطك اوى مش احنا اصحاب واصدقاء واسعد اوقاتنا مع بعض !!
روز : انتى مش طبيعية النهاردة يا نور فى اية مالك 00 احنا اصحاب ااة بس لحد تاخديني بعيد عن ربنا لأ
انك تاخديني لطريق ميش حلو لا
نور : طريق أي يا بنتي
روز: يعنى لما تقوليلى نكسل عن قداس عيد ميلاد يسوع - اقولك لأ طبعا مينفعشى

نور طيب خلاص قومى روحى انتى وانا هستنى ماما لما تيجى بعد القداس وابقى صليلى هناك

روز : لأ يا نور انتى هتيجى معايا وانا لازم اعرف مالك

نور : يووووة بقى يا روز مصممة تكسفينى يعنى - تؤ بصراحة كدة انا مكسوفة
روز : من أي بسسسسسسسس حيرتيني
بصراحة يا روز انا مجبتش لبس جديد احضر بية العيد واروح بية الكنيسة واقول ليسوع كل سنة وانت طيب

روز: يا سلام هو دة السبب بس ؟؟ وتفتكرى ان دة سبب يخليكى متروحيش الكنيسة وتحضرى قداس عيد ميلاد يسوع



نور :ايوة طبعا انتى عاوزانى اروح الكنيسة ليلة العيد بلبس قديم معروف والناس تقول عليا فقيرة !!

روز: ومالهم الفقراء بقى يا ست نور ؟؟ انتى نسيتى ان المسيح نفسة كان فقير

وجة على الارض فقير واتولد فى مكان حقير ميتولدش فية حتى افقر فقير فى الدنيا

انتى نسيتى انة لما حب يكشف نفسة لبعض الناس اختار الفقراء منهم اللى هما الرعاة 00 اول ناس كلمهم يسوع كانوا الرعاة يا نور اول ناس حب يفرحهم بمجيئة كانوا ناس بسيطة جدا قاعدين بيرعوا شوية غنم وعلى قد حالهم لا عندهم يا ستى لبس ولا عندهم حاجة

نسيتى كمان انة اختار معظم تلاميذة من صيادين السمك والعشارين والبسطاء
اختارهم لانهم كانوا اغنياء فى نقاء قلوبهم يا نور وعندهم استعداد يقبلوة ويملك عليهم وعلى حياتهم وقلوبهم لقى مكان فى قلوبهم يسكن فية ويكشف ذاتة عن طريقهم

يسوع مش منتظرك وانتى لابسة لبس شيك وجديد وغالى 00 يسوع منتظر قلبك وحبك واشتياقك لية

الام : اية يا بنات انتوا قاعدين بترغوا هتتاخروا على القداس 00 اللى بيتأخر مش بيشوف يسوع انا هسبقكم وانتوا خلصوا لبس يالله بقى بسرعة

روز :حاضر يا طنط هنقوم اهو وهنأخد معانا هدايا كمان

نور: هدايا ؟؟ هدايا اية ؟؟ انا مجبتش هدايا 00 بقولك مجبتش لبس جديد - تقوليلى هدايا !!

روز: انتى مفهمتنيش يا نور الهدايا اللى هنأخدها هى قلوبنا اللى هنقدمها للمسيح فى عيد ميلادة وهو دة اللى عاوزة مننا يسوع ومش عاوز اكثر من كدة

المجوس قدموا ذهب ولبان ومر

الذهب رمز ملك المسيح - واللبان رمز كهنوتة - والمر رمز الامة

المجوس عبروا عن حبهم للمولود باقتدار يا نور وعبروا عن اعترافهم بية بمهارة وشجاعة وايمان وبساطة قلب جدا

تعرفى ان المجوس دول كانوا علماء على اعلى مستوى - بس كانوا انقياء القلب وعلشان كدة المسيح قبل هداياهم وذكرها كأعتراف منة بيهم فى الكتاب المقدس عبر التاريخ والزمن والى مدى الحياة
وعلشان يعلمنا انة زى ما قبل المجوس الاغنياء والعلماء وكشف نفسة ليهم قبل بردوا الفقراء والبسطاء اللى هما الرعاة قبلهم

يسوع مش بيفرح باللبس يا نور يسوع بيفرح بالقلوب

نور :يااااة يا روز انتى فتحتى عنيا على حاجات مكنتش شايفاها ولا حاسة بيها مع انى عارفاها بس عمرى ما عشتها ولا حسيتها - عندك حق انا فعلا غلطانة - ومكنتش فاهمة - انا حالا هقوم البس بسرعة علشان نروح الكنيسة ونقول ليسوع كل سنة وانت طيب ياربى كل سنة وانت معايا كل سنة وانت محاوطنى واقولة كمان تعالى واسكن قلبى يارب زى ما سكنت المذود

واكشف لى ذاتك ونورك واقبل هديتى ياربى

نور وروز يأخدوا بعض بالاحضان ودموع الفرح والتوبة تملأ عيونهم

نور :يلا يا روز علشان منتأخرش نروح ليسوع ونقولة كل سنة وانت طيب يارب

كل سنة وانت طيب يارب

المصدر: †† ارثوذكس †† - من قسم: مركز البابا شنودة لوسائل الايضاح