عرض مشاركة واحدة
بياناتي
 رقم المشاركة : ( 9 )
emmmy
ارثوذكسي ذهبي
رقم العضوية : 49304
تاريخ التسجيل : Feb 2009
مكان الإقامة :
عدد المشاركات : 7,158
عدد النقاط : 31

emmmy غير متواجد حالياً

افتراضي رد: كيف يكون برنامج اليوم لمدارس الاحد

كُتب : [ 10-19-2010 - 10:20 PM ]


اولا طبعا انا بشكرك يا مجدى على مشاركتك الرائعة الجميلة دى وعلى ايجابيتك دايما وخصوصا فى موضوعات تخص الخدمة وانموها لان دة مش بيحصل كتير لا الخدام اصلا مش كتير الحصاد كتير والفعلة قليلون

رئـتع ياايمى موضوعك مهم جدا لانه هايناقش كل ماهو جديد بخصوص الخدمة
انت اللى رائع وخادم مميز المسيح يحافظ عليك وسعيدة جدا بالمناقشة معاك ومع كل الخدام

بس انتى شوفى فى موضعك السابق اللى هو المسابقة
هااتلاقى افكار تناسب السن دى خلالهاا تقدرى توصلى لبرنامج فى خدمتك
اوك حاضر
2 فكرة تانية يا ايمى ان برضوة ااغمل تدريب عملى ان الاولاد وانا معاهم

اننا نظف الكنيسة مع بعض

دى كانت فكرة من افكارك حقيقى رائعة انت خليتنى اروح ادور على الموضوع واراجعة ويمكن اكون انا نسيت الكلام دة او مكنتش محتجاجة اوى وقتها لانى مكنتش بخدم اطفال وكنت مركزة اوى على خدمة الكبار دا بالنسبة للافادة الشخصية ليا انا
تمام
احنا بعد ما بنخلص الخدمة الكنيسة بتبقى فيها ورق شيبسى ومش عافة حاجات كتير من اللى بيجبوها الاطفال بعد ما بيمشوا احنا الخدام بنلمها بس انا هحاول اطبق التدريب دة علشان نتعلم نحافظ على كنيستنا انا مش بسمح بالاكل فى الكنيسة اصلا بس برضوا بخلص وبلاقى ورق كتير مش عارفة منين



بس انا ها اتكلم معاكى شوية علشان نقدر نوصل للبرنامج مع بعض
انتى عارفه طبعا ياايمى ان الفقرات مش بكترهاا المهم الافاده
والجديد فيها وزى مانتى عايزة طبعا وطبعا معاكى حق لان الاطفال بتحس بملل
بس علشان الاطفال مش تحس بملل لازم يكون الخادم نفسه مش ملل
طبعا اكيد مش كل من وقف وعظ بقى خادم
وفقرته مش ممله
فالازم الحادم يبتكر جديد فى فقرته وفى فصله
سوء بقى بطريقة شرح مختلفه او وسيلة ايضاح مختلفه بعيدا عن الصور
اهم حاجه يا ايمى فى الفقرة والخدمة وسيلة الايضاح
لان الشرح العادى دى من اعقم وسائل الشرح
وده مش كلامى

اكيد مفيش شك باهمية وسيلة الايضاح بس هى بتبقى مواهب عند بعض الخدام انا واحدة من الناس اهو للاسف معرفشى ابتكر وسيلة ايضاح اعرف انفذها لكن معرفشى اجبها كفرة مناسبة للدرس بصراحة موضوع وسيلة الايضاح دة مقصرين فية عندنا
بص يا مجدى التاثير فى زسيلة الايضاح بسبب عدم الشطارة مش اكتر مش كسل ولا تكبير دماغ صدقنى ودة للاسف
عموما انا اقولك ع برنامج ممكن يفيد المرحلة دى وطبعا ليكى الحرية انك تتختارى واللى يناسب المرحلة عندك
اولا فقرة ترانيم
وده الجديد فيها ان الخدام كلهم يشااركوه فيها وان يكون فى خادم
يحفظ ترنيمه معينه تناسب مناسبة جاية
يعنى يكون فى ترنيمه للميلاد علشان عيد الميلاد
وببعد بقى عن الحفظ فى يوم المناسبه ومش كده ويس ممكن نحفظ حاجات خااصة با النيروز قبلهاا بفترة علشاان ميكنيش فى ضغط
ويكون عندنا وفرة فى الترانيم والالحان الخاصة با المناسبات

ولازم يا ايمى يكون لكل فقرة وقت محدد
وليكن للترانيم 20 دقيقة
اوك مااااشى ولو ان عشرين دقيقة كتير بس مش مشكلة الاطفال بتحب الترانيم وخصوصا اللى فيها ابداع وجديد وحركة مع الخادم
وممكن تعملها حاجه جديده كمان
انك تعملى ترنيمه بين كل فقرة وفقرة علشان الملل ويكون فى تنشاط للذهن والتركيز اكتر
ممكن كمان يكون فى سوال بين كل فقرة وفقرة
ده اللى يخص اول فقرة
اوك ماااااشى
احنا فى خدمتنا بندى طبعا سنكسار
وده الفايده منه التعلم من سير القديسين واخذ فضائل منهم وتنفيذ ها فى
حياتنا اليوميه
وممكن الخادم اللى بيقول الفقرة دى يااخد فضيلة من قديس اليوم ده
ويحاول انه يطبقها مع اولاده ويكون فى متابعة سواء فى الفقرة نفسها
او من خلال الافتقاد
وده بيقى غالبا برضوة وقتها بين 15 او 20 دقيقة

لا بصراحة انا جيت الخدمة لقيت فقرة السنكسار دى بتتعمل كل اسبوع بس مقتنعتش بيها خالص لان سير القديسين كلها شبة بعض ولقيت الاطفال مش متحمسين ليها خالص خالص بتبقى فقرة صعبة جدا وبصراحة اكتر
الخادمات بيشرحوا سير القديسين الشهداء بطريقة صعبة جدا انا نفسى بقشعر منها بجد وعلشان كدة منعتها وطلبت بلاش سنكسار واقنعت الامينة بوجهة نظرى السنكسار مش اى حد اللى يعرف يتكلم فية صح وبطريقة مبسطة تناسب السن دة من غير ملل ولا تخويف لما تيجى تحكى للاطفال قصة القديس كبريانوس والقديسة يوستنيا وهما حافظنها يبقى لازمتها اية يعنى هو واجب عسكرى ومنهج حكومى لازم نلتزم بية ولا اية
لا مش حبيت فقرة السنكسار دى خالص
ممكن كمان يكون فى فقرة طقس
وده علشان يتعلموا يعرفوه طقس كنسيتنا
ويون فى القداس مثلا وافقيين عارفين لية الحاجات دى بتتعمل
وبرضوة مددتها 15 دقيقة

دى ممكن واحنا بدانا فيها بالفعل وخصوصا فية حركة اثناء اتلشرح ونماذج بتسهل الشرح
ممكن يكون فى فقرة الحان ودى بتكون فقرة للحفظ وكمان للتنشياط
برغم انى بليدة جدا فى الالحان بس طبعها مفيش غنى عنها وانا بحبها جدا وبحب اسمعها وفى فقرة الحان بس مش كل اسبوع لان الفقرات كتير ومش هينفع تتنفذ كلها مرة واحدة
مرة تانية ويكون فى تركيز بعد كده
ممكن يكون فقرة شخصيات كتبيه
من الكتاب المقدس
اية شخصيات كتابية دى كمان كفاية يا مجدى دا اللى اكبر منهم بكرة التطويل جدا وبمل جدا بسرعة الطفل مش هيستوعب كل دة ابدا ولا انا قصدك كل مرة حاجة مختلفة
ممكن برصوة يكون فقرة اسئله ويكون فى جوائز ليها
ممكن نعمل حاجات كتير جدا بس المهم النظام والابتكار
وفقرة الاسئلة مهمة جدا لان الاطفال بيحبوها جدا ومعاها هدايا رمزية
وبعدين تكون الصلاة وتوزيع الفصول
وطبعا فى الصلاة ادى لكل واحد انه يطلب ويصلى مع نفسه ويكون فى صلاة ارتجلية او ممكن تخلى طفل معاكى يقود الصلاة
وفى الفصول لازم يكون فى محفوظات ليهم وابتكار فى الشرح وسلوكيات
لتفيذها فى حياتهم
وممكن يكون فى نوته روحية
فى حاجات صدقينى
ونفسى بامانه نبعد عن الفكر العقيم اللى هو الخدمة تكون ساعتين
ليه مش 2 ونصف وده يكون فى حرية فى الشرح
وكمان ممكن تكون اخر نصف ساعة للمرح مع الاطفال

ساعتين ونصف بذمتك انت مش بتهرج دا انت نفسك بتيجى للاخر وتتعب وتقول خلاص مش قادر فمبالك بقى من الاطفال حرام عليك يا مجدى بجد ههههههه
ده كمان يا ايمى ممكن تعملى اسبوع فى الشهر يكون يوم مرح ولعب واكتشاف المواهب
زىورشة عمل او ندوه او الالعاب مفيدهتناسب سنهم
او رسم تلوين فى حاجات برضوة تقدرى تملىء اليوم ده
طبعا مهمة جدا جدا والطفل بيعشقا وياريت كل خدمة تهتم بالموضوع دة
دى ببتعمل كل اسبوع فقرة جميلة بيحبوها جدا بتبقى بعد القداس ساعة لحد معاد الخدمة بتاعهم ودة بغرض اننا نلمهم من الشارع زى ما قلت فى اول كلامى

بص فى من ضمن افكارك تانى فى الموضوع السابق
6 نحاول نزرع فى ولادنا موضوع القرءة والكتابة واساعدهم انهم يكتبوا قصة او موضوع علشاان مثلا يعرض فى مجلة او كده وطبعاا فيكون فى هدايا للتشجيع
دى صعبة على سن خامسة وسادسة دى تنفع اعدادى وثانوى ممكن
المفروض يكون فى مكتبة استعارية فى الخدمة علشاان تسااعد فى الموضوع ده



لو فى استفسار عن اى شى قولى
انا اسف ع التطويل ويارب ااكون عرفت اوصل وجهه نظرى وافكارى
وربنا معاكى ويدبرامور خدمتك
اذكرى ضعفى
طيب شوف بقى مين اللى المفرض يقول اسف دلوقتى على التطويل ههههههه
مرسى يا مجدى على مشاركتك الجميلة حقيقى

رد مع إقتباس