[SNoW]

بربارة انتى بنفسك جاوبتى انا كمان مكنتش بقرأ الانجيل خالصصصصصصص بس ابتديت اهو اقرى شوية و حسيت اد ايه قراية الانجيل جميلة و اد ايه بتفرح النفس عشان لما نقرى كلام ربنا بنتعزى

ياريت تقرى فى الانجيل قبل ما تنامى حتى لو اية واحدة ربنا هيفرح اوىىىىىىىىىى انك بتقرى كلامة حتى لو اية واحدة


انا برضة مبقتش اصلى مممممم و دة مضايقنى جدااااااااااا بس بحاول اصلى دلوقت و انتى كمان حاولى تصلى حتى لو ثوانى و خليكى واثقة ان ربنا بيفضل مستنى طول اليوم انه يسمع صوتك. و ابونا كان بيقول فى القداس ان لما الانسان بيصلى ربنا بيسكت كلللللل الملايكة و ربنا بيتجاهل الخليقة كلهااااااااااااااااا و يسمع الصلاة

و بالنسبة للاية اللى بتقول انا مزمع ان اتقيأك من فمى متخافيش منها. خليكى واثقة ان ربنا بيتلككلنا عشان ياخدنا السما و انه بجد فرحة الحقيقة فى خلاصنا مش فى هلاكنا انا كنت مرة بسأل ابونا انى بحس انى معملتش حاجة كويسة عشان اروح السما و انى لما بشوف القديسين و الشهداء عملوا ايه عشان ربنا بحس انى مش ممكن هبقى معاهم فى مكان واحد لان ربنا هياخدنى السما على ايه يعنى فا ابونا رد عليا رد ريحنى جدا ابونا قالى ان اللص اليمين كان عايش كل حياتة فى خطية و قبل ما يموت بثوانىىىى قال لربنا انه يذكره فى الملكوت و جه رد ربنا " اليوم تكون معى فى الفردوس " ربنا مقالوش انت فاكر نفسك مين عشان تروح السما و لا قاله انت كل حياتك قضيتها فى خطية و جاى دلوقتى و انت خلاص بتموت تفتكر ربنا !! بالعكس المسيح فرح بيه جدااااااااااا و قاله اليوم هتكون معايا فى الفردوس مع القديسين و كل الابرار هو دة حب المسيح لينا. هو عارف ان احنا مش كويسين ولا عمرنا هنبقى كويسين عشان كده هو جه عشان ينقذنا و يفدينا كل اللى علينا هو ان احنا كل ما نقع فى خطية نقوم من تانى و نطلب من ربنا انه يسامحنا و دة مش كلامى دة كلام ابونا كل اللى محتاجينة هو ان احنا نقاوم الخطية و لو اخطينا نقف من تانى و نتوب فيه اية بتقول " لا تشمتى يا عدوتى لانى كلما سقطت اقوم " و كمان اتطمنى المسيح قالنا " لا تخف ايها القطيع الصغير لان اباكم قد سر ان يعطيكم الملكوت " و كمان قال " من يأكل جسدى و يشرب دمى له حياة ابدية و انا اقيمة فى اليوم الاخير " و قال " انا هو القيامة و الحياة من امن بى و لو مات فسيحيا " و برضة افتكرى المثل اللى ربنا قاله عن الناس اللى كانوا بيشتغلوا من اول اليوم فى الارض و الناس اللى جم الساعة 11 قبل العمل ما يخلص و مع كدة اداهم اجور متساوية. " لا تكونوا كالباقين الذين ليس عندهم رجاء " متخافيش و متخليش الشيطان يخدعك هو عايزك تفقدى الأمل و الرجاء فى المسيح . متخافيش لان المسيح وعدنا و وعدة حر .

ربنا معاكى