[Dr.PeRO]

جميل اووى الكلام ده يا مجدى بجد .. وطبعاً شئ فى منتهى الجمال ان الشباب يطبقوه فى الصيف، بس الكلام ده نظرى بس .. يتقال فى منتدى او يتقال فى ندوة او عظة والناس تسقف وخلصت الليلة على كده!!
وتعرف اقولك حاجة .. ممكن انسان يعمل كل ده وينشغل بيه وينفذه على اكمل وجه .. بس واقعياً تلاقيه بعيد عن ربنا ... كل ديه امور ثانوية مش امور الانسان لازم يجرى وراها، الأمر الوحيد اللى لازم نجرى وراه هو ببساطة "انسكاب القلب امام الله" وده هيأدى بينا لإقامة علاقة شخصية حقيقية بالله .. الاية بتقول: يا ابنى اعطنى قلبك ولتلاحظ عيناك طرقى ... هو ربنا مش عاوز دراستك ولا حفظك ولا وعظك ولا حتى خدمتك زى ما هو عاوز قلبك .. يبقى فى الاول نقدم قلبنا لربنا ونختبر محبته وده لما بيحصل بجد بيبقى مصحوب معاه تغيير جذرى فى حياتنا الشخصية من كل النواحى .. الأمر ده مش بيتوصف ولا بيتحكى وصعب انه حد يقدره، بس هو بيتحس .. يعنى عشان يتفهم بطريقة سلية لازم يكون الانسان مر بيه وحصل ده فى حياته ... بعديها ربنا بيوجه الانسان كل واحد فى طريق محدد .. واحد هيتجه لخدمة فى الارياف او واحد فى مدارس الاحد، واحد لخدمة المرضى .. واحد تانى فى الوعظ واحد تانى يتجوز ويبنى بيت مسيحي مبنى على الصخر .. الخ.
فسعينا الأول يبقى ازاى نفتح قلوبنا لله بمعنى الكلمة ونختبره .. وهو اللى هيوجهنا عن طريق انه هيفتح ابواب وهيقفل ابواب غيرها.