كُتب : [ 12-12-2011 - 01:06 AM ]
++ ++++++++ ودقت أجراس حزينه من تانى ودقت أجراس حزينه من تانى ..... خليكى شاهده على كده يا بلادى والفرحه مبقلهاش فيكى معانى ..... وقتل ولادك بقى شىء عادى ليه فى عز الفرحه وجوه مكانى ..... يتقتلو وده يبقى قصادى طب كنتى اصبرى علينا ثوانى .... اعملى اعتبار ان دى اعيادى ده انا حبى ليكى خلانى ....... اعدائك انا ليهم اعادى ولما صوتك ليا ندانى .. ماستخسرتش نفسى فداكى مت ودمى سال على أرضك .. وبيشهدوا على كده أجدادى ولما تحاربى بكون أنا ضهرك .. واستقلالك هو مرادى بعد ده كله ليه مسترخصه دمى ؟ .. مع إنك محفوره جوه فؤادى مش بردو أنا إبنك وإنتى تبقى أمى .. ولا مش حسبانى وليكى حساب تانى لو كنتى ناسيه أحزانى وهمى .. واللى حصل فى الكشح وفى نجح حمادى بفكرك إن أنا منك وإنتى كمان منى .. أرجوكى بُصيلى بنظره ترااضى اسمعينى ده طلبى منك .. واقف بقالى سنين بنادى ساويينى شاركينى فى حكمك .. وبلاش تتعمدى إبعادى صدقينى ده أنا هدفى إنك .. تبقى أحلى البلاد يا بلادى هتلاقينى تحت أمرك .. ولما تحكمى هبقى راضى ولو خيرونى بينك وبين بلاد تانيين .. على إنى اعلن ليكى إجحادى مستحيل أسيبك ولو تنطق السنين .. هتحكى عن تاريخ أمجادى ده لما تكونى من المحتاجين .. بتلاقينى بالخير أنا بادى هنعيشو ونموتو مصريين .. وَهدفن فى ترابك أجسادى والتاريخ لو يرجع بينا .. فيه ناس ياامه حاولوا إضطهادى وأدينا موجودين وإلهنا حامينا .. وهما صفحه طواها الماضى وشيطان فاكر انه حيمحينا .. وميعرفش ان ده علفاضى اصل الضيقه دى بتعزينا .. وبتكون السبب فى اسعادى دى كل جبال صحاريكى بتحكى .. عن رهبان سكان الوادى وكل تراب اراضيكى بيبكى .. على عذباتى واستشهادى وكل كنيسه فيكى بتروى .. وتقول انا مش صنع ايادى مش بالتوب والرمل هتبنى .. انا مبنيه بدم ولادى عرفتى يا بلدى أنا ليه بحبك ؟ .. مع ان عايش فيكى برمادى اصل المسيح بارك شعبك .. واختار ارضك من وسط الاراضى وسكن فيكى ورفع شأنك ..... وبعت مرقس ليكى ينادى وبعيونه كان من سنيين شايفك ..... هيتبنى فيكى مذبح للفادى عاوزانى انسى ده كله واسيبك ؟ ..... اسف مش هتقدرى ابعادى عندى استعداد اموت وبأيدك ..... ولا انى اسيب أرض أجدادى أصل إنتى وطن عايش فينا ..... مش عايشين فيه أنا وولادى بدعى من ربنا يحيينا ..... وأنا أزرع حبك فى قلب أحفادى +++++ المصدر: †† ارثوذكس †† - من قسم: القسم الادبي