[كارين بنت يسوع]

ممكن اسأل!!
ليه بحبك..؟

ليه قلبي راحته في حضن قلبك..


ممكن اعرف.. ؟
ليه ايامي بلا وجودك تموت.. ؟
وليه احلامي بلا نورك تموت ..؟
وليه من دونك يغطيني الحزن..؟
ويسجن شعوري السكوت..؟

ليه اضيع ان كنت غايب..؟
وليه اشوفك كل اهلي ..
وكل نـــــــــــــاسي والحبايب..؟

ليه اشوف الدنيا ورديه معاك ..
ليه احب اني اكون نجمة تضوي في سماك..؟
وليه اشوف الوقت ورده ذابلة لو غبت يوم..؟
وليه احسك جنتي..؟

والهنا بقربك يدوم..
ليه احسك .. شخص نادر
شخص اغلى من الجواهر ..

ليه اشوف الناس من بعدك
سراب
..
وليه اشوف الحب من دونك سراب ..
ليه يحييني حضورك ..
ويقتل ايامي الغياب ..

ممكن اعرف ليه احسك كل كلي ..
شمسي انت .. وانت ظلي ..
مالي من دونك مكان ..
وبس في عيونك محلي ..
ممكن اسأل ..
وممكن اعرف ..
ليه كل هذا ياخلي.. ؟


ليه احبك .. وبكل حالاتك ابيك..
بهدؤك .. بانفعالك ..
وبجنونك.. مهتويك ..
ليه احبك..
خفقة الروح اليتيمة..؟
وكل احلامي القديمة..؟
واسرار تخفيها عيوني ..
بس ماتخفى عليك



ليــــــــــه بحبــــــــــــــــــــــ ــك
بغروري.. وبشموخي.. وبعنادي..
اللي طوعته بيديك ..

وبغرورك.. وبكثر جورك..
وبحنانك.. ودافي احساسك..
وأمانك..
لانثرته " من اجيك"

ليـــه بحبك
وتوي دريت
ان الهوى حده خطير ..
يقدر يغير في ملامحنا الكثير ..
يقدر في لحظه يجعل المهر الجموح طير صغير ..
يرضى بحبات الحوى ..
ويغفى على الكف الكبير ..


توي دريت ..
اني كذوب ..
وان المشاعر قبل مااعرفك ذنوب ..

ليه
احبك
ووحدك حبيبي ..
اللي سمع صوتي يطير ..
ياموانيء كلها حب ودفا ..
بس مرساها عسير ..


ليه بحبك ..
وبوعدك .. وقت ماتوقف ايامي معاك ..
بودعك .. وبحمل هواك ..
في روح ماحبت سواك ..


ليه بحبك ..
وبظل احبك ..
فوق مااحبك لأنك وحدك الحب الحقيقي ..

واحبك وحدك ..
ياحلمي الأخير ..
واحبك وبكل حالاتك ابيك ..بهدؤك .. بأنفعالك ..
وبجنونك .. مهتويك ..
أحبــــــــــــــــــــــ ــك
=================

منقول

المصدر: †† ارثوذكس †† - من قسم: القسم الادبي