كُتب : [ 12-19-2009 - 01:31 AM ]
علبه سردين هحكيلكم عن علبه سردين...عربيه بتشيل ملايين... واللي هايركب وقعته طين...ومايعرفشي ينزل منين؟؟؟ ركبت مره قلت اجرب...اصل زحمه واسأل مجرب... اتزنقت وماقدرشي اتهرب...وناس فوق وشي راكبين العربيه اتملت علي طول...والسواق بينادي وبيقول... عاوز ركاب شبعانه فول...يكونوا علي الشبكه مربوطين وشي المقطقط اتبطط...وانا عمّال اتخبط... وبعوم في الناس وابلبط...بس مين هايسمع مين؟؟؟ فجأه طلع الكمسري من افايا...وقال طلعّوا الاجره وكفايه... لما نشوف ايه الحكايه؟؟..اصل كان فيه ناس ميتين احلي مشهد كوميدي حصل...لما عمك رفيع وصل... اصله كان واكل بصل...ولما اشتغل ادانا عطستين واحده حطت عليّ ملوخيه...جيت اقوم اخدت بونيه... الله يخرب بيت دي الوليه...ادعي عليها قولوا امين وبعد سفر مش طبيعي...اتعملي علاج طبيعي وقعدت في سريري وربيعي...بقي شتا لمده سنتين وادي حكايه علبه السردين... ها عجبتكم ياحلويين؟؟؟ مينا فالح المصدر: †† ارثوذكس †† - من قسم: الضحك والفرفشة