[emmmy]

موضوع رائع وفكرتة رائعة جدا جدا
ناااس كتير بتعانى من المشكلة دى فعلا
مش معنى ان الانسان يحب نفسة يبقى انانى
او يكرة نفسة يبقى متضع الانسان لازم يحب نفسة لانها على صورة اللة ومثالة وحامل السمات المقدسة فى المسيح
لازم يحب نفسة كما هى بكل ما فيها من قوة وضعف ويعرف ان القوة نعمة ربنا لية وضعفة هيكمل بقوتة المسيح
وومش معنى ان انسان مش بيحب نفسة يبقى متضع ملهمشى علاقة ببعض دة اسمة صغر نفس عدم ثقة بالنفس دة موضوع تاانى خالص
هقولكم حاجة كانت بتحصل فى خدمة من الخدمات
كان فى خادم زمان مسك شوية اطفال فى قرية ولما عرفهم لاقاهم معندهمشى ثقة فى نفسهم ودايما حاسين ان غيرهم احسن منهم
فاخدهم وركز معاهم على مواهبهم الصغيرة وكان بيقولهم كل واحد فيكم يقول لنفسة انا حلو انا شاطر انا ربنا مدينى كذا وكذا علشان اكمل اخواتى
ولما كبروا لحد اعدادى طلع منهم ابداع ومواهب كتير جدا منهم واحد عمل سخان بقالب طوب احمة وسلك كهرباء ولما قلتلة بهزار هاتة بقى نعمل علية شاى قالى لا دى اللى يستحقة انكل فلان
انا بحب نفسى كما هى لانها صنع يد اللة وهسبها لامعة بنورة ومجدة وعملة فيا ومليش دعوة بسلبيات العالم وانتقاداتة
بحب نفسى بضعفها لانة بيفكرنى دايما انى محتاجة لربنا فى حياتى بحب نفسى بمواهبها اللى ادهالى ربنا علشان اتاجر واربح بيها لمجد اسمة
ولو كرهت نفسى يبقى انا مش مقدر قيمة النعمة اللى حملتها واخدتها مجانا وكان ثمنها دم الخروف