كفايه بقى كلام .. عن الحب والحنين
هو انت بتضحك على نفسك
ولا بتضحك على مين ....
هما زى غيرهم .. طلعوا قاسين خاينين
وانت زى مانت .. بتسرق فيك السنين
كفايه بقى احلام .. عيش الواقع الحزين
متقلش حب تانى .. ماتهش مع التايهين
كفايه بقى واتعلم ..عايز تانى ايه
الجرح كبير ومعلم .. ولا غيرك بس يداويه
غدرهم طلع قوى .. فوق غدر الزمان
وكان فى أيديا اقوى .. لكن فضلت أنسان
فضلت معاهم طيب .. أعلمهم الحب وأحساسه
والظلم جه من قريب .. أتاريهم أهله وناسه
فضلت معاهم حنين .. واخدهم ليا الامان
ولتعبى ما كنت مبين .. فى الأخر طلعت خسران
كبروا وكبرت أحوالهم .. أتغرو ونسيوا أصولهم
وانا اللى كنت بصونهم .. أختاروا من غيرى مصيرهم
خلاص مش هاقول حب .. خلاص مش هاحس بكلام
انتهى عهد العشق .. وأبتدا زمن الأحزان
هاثبت فى كل الظروف .. ومن ايه تانى خوف
كل شىء تعبنى قولته .. بس مش مساعدانى الحروف