تعالو نشوف فترة الخطوبة بابقى عاملة ازاى
الخطوبه فتره لذيذه وهاديه
بس كله فاكرها كده
ولكن الخطوبه هى فترة استكشاف ماقبل الحرب
تعالو نشوف فتره الخطوبه وبعد الجواز يلا ؟؟؟
الواد يامعلم يتشيك ويضرب الحته الزفره والبرفان اللى يدوخ
نزل اخد عربيته وراح للحته بتاعته البيت
خدها ونزل ركن العربيه ودخل سينما وخرج يتمشى ع الكورنيش اشى لب وفول وايس كريم الي اخره
واخرالليل يروحها وتكلمه بقى.....
حماده انت بكره هتتغدى عندنا والله ماما بتحبك لله فى لله من غير متجيب جاتو ولا تورته ولا حاجه خالص
ويروح حماده يتغدى وبعد كده ياخدها وينزل هدايا وفسح لو بس شافت حاجه عجبتها عالطول يامعلم الفلوس تطلع هوا
سنه ياريس ع الحال ده وجاء اليوم الموعود............
تعالو نشوف حماده بعد سنه من الجواز.........
حماده انت خارج طبعا
(انا لو اعرف اوصف الصوت فى الكتابه كنت عملتها )...
ايوه سايبلك البيت فى مانع يا هانم ..
طب انا عايزه اروح لماما
هى مش لسه كانت عندك امبارح...
ولا هيا مصاريف وخلاص يا هانم
خلاص متنفخيش يلا بينا قدامى...
(في سرها) (جاتك البلاوي كاتم علي نفسي)(معرفش اروح لمامي مرتين تلاته في اليوم)
حماده بكره مش بيفكرك بحاجه..؟؟
لا ليه؟؟
بكره عيد جوازنا ..
خلاص فكرينى نقف ساعه حداد..
المهم راح اخد الشاى مع حماه وبالتالى والدتها شحنتها قبل ماتفصل برنامج العكننه واخدها ونزل
حماده تعال نروح ناكل ترمس ع الكورنيش..
انا بكره هجيبلك شواله ترمس ونامي جواه يمكن تشبعي
بعد ماوصل البيت الراجل تعبان عايز يتعشى صح ولا هو غلط...
انتى ياكيس المخده:d ايه فى عشا النهارده ؟؟
انا معملتش اكل النهارده الامبوبه عملتها اطلب المصمت اللى تحت...
منك لله حسبى الله ونعمه الوكيل....
وطبعا دخل ينام خلاص الليله باظت وكان دعائه لها كالتالى......
اللهم اقبل دعاء مظلوم وارفع عنى الهموم واقضى على غيمه الغيوم اللهم ارزقها بسياره مفخخه
وتأتنى انبائها ولا نستطيع جمع اشلائها............................