رد: الرب يعزى أختنا ايمي ( emmy )
كُتب : [ 06-11-2013
- 09:24 PM
]
وحشتينى أوى ياأمى ..
عيشتى ورحلتى من غير ما تتعبى حد فينا خالص
كنت بتمنى أخدمك لما كنتى بتتعبى لكن مكنتيش بترضى ياأمى
مكنتيش بتحبى تتعبى حد حتى لو هتدارى تعبك إنتى وتخبية وتشيلة لوحدك
مر كتير على رحيلك ومازال الجرح ينزف والقلب يبكى والعيون تدمع
جرح فراقك كبير أوى ياإمى فوق إحتمالى مش عارفة إمتى هيشفى ويلتئم
مبروك عليكى السما ياأمى مبروك عليكى الخلاص مبروك عليكى الوصول للديار ورجوعك بلادك ووطنك ومدينتك مبروك عليكى الحياة الجديدة والارض الجديدة وحضورك العرس فى الكنيسة المنتصرة والمدينة المنتصرة
وحشتينى وهتوحشينى أوى يا شمعة حياتى اللى انطفت
|