وسيلة ايضاح للاسبوع الاول فى الصوم
لمرحلة اعدادى
الاسبوع الاول بيكون ااستعداد لرحلة جميلة مع يسوع
او استعداد لتفريغ اكبر مساحة جوة قلوبنا لاستقبال الرب يسوع
استعداد لعشرة حقيقية وصادقة مع شخص الرب يسوع
اذا انا يبقى محتاج لتوبة لتنقية اغسل قلبى من خطايا وذنوب وامراضى روحية
لو حد لية عندى دين اوفية حتى لو كان مجرد اعتزار عن خطأ صدر منى فى حقة
اوصل دة بمثال صغير لاولادى
اجيب سفنجة كبيرة واقصها على شكل قلب
واجيب وعاء بة ماء واضيف لية لون اسود او اى لو غامق
واجيب وعاء تانى بة مسحوق صابون مثلا
واحط السفنجة اللى هو بترمز لقلبى جوة الوعاء اللى بة ماء ملوث اللى هو رمز الخطايا بكل انواعها واشوف شكلها هلاقية مش حلو مش نظيف مش نقى
وبعدها احط نفس السفنجة فى وعاء الماء بالصابون اللى هو رمز لوعاء التوبة هلاقية السفنجة بقت شكلها حلوة ونظيفة وممكن تكرار العملية اكثر من مرة لتأكيد ان التوبة مفعولها لا يقل ولا يتغير ابدا مهما حصل
وممكن اثناء شرحى الكلام اقولهم الفرق بين السفنجة وهى حاملة الماء بتكون تقيلة زى ما احنا بنكون فى حالة خمول وتعب من كثرة الاكل والاهتمام الزائد بالجسد
لكن لوضغت عليها شوية هتبقى خفيفة وجميلة وسهلة زى الانسان اللى بيضغط على نفسويحرم نفسة من ملذات العالم
بيقدر يترفع بالروح فوق مستوى الجسد
