الحقوني ياخلق هوووه الحقوني
بيجروا ورايا ومش عارفين يمسكوني
انا طول عمري وانا ماشي جمب الحيط عشان ينسوني
لكنهم بيحاولوا مرة واتنين عشان يقتلوني
لكن ربنا بينقذني كل مرة قبل مايفرموني
لأني لو وقعت في إيديهم هيموتوني
شوية ماسكنلي شبشب وعاوزين يضربوني
وشوية معاهم سائل وعاوزين يبخوني
انا مش طماع ولا طالب شقة يابشرية
ده انا مسكين وطالب بلاعة مستخبية
بلاعه في انتن حمام
ادخل فيها وافرد جسمي وانام
عشان برد الشتا اللي بيصحيني من اعز الاحلام
وتكون عش الزوجية ليا وللمدام
والمدام حامل ومش حمل ضربة جزمة
ده كل اللي طالبه بلاعه ، عندكم ملهاش لزمة
لكنها هتحللي انا اكبر أزمة
ناقشوا القضية بينكم يابني أدمين
وأفتكروا اد ايه احنا مساكين
بلاعة في أي دور من الارضي للتسعين
واعبال ماتفكروا في الامر احنا هنقعد ساكتين
لكنكم لو نستونا ، ودعوا الرز والسكر والتموين
باي باي وفرصة سعيدة ياحلوين
بس احب اعرفكم في النهاية انا مين
انا صرصار ملوش بخت وانتوا عليه قاسيين