القصة دي من تأليفي
هي مجرد قصة وعاوزك تقراها وتتخيل معايا
تخيل انك كنت مسافر رحله او كنت راكب وسيلة من وسائل المواصلات ورايح مشوار
او كنت راكبك سيارتك الخاصة وتذهب الي مكان ما
وفجأة حدث لك حادث رهيب
جعل السيارة تنقلب عدة قلبات وانت بالداخل
عيش بقي معايا
العربية عماله تتقلب وانت جواها وعامل كأنك في الملاهي
والعربية تتقلب وانت خلاص مش عارف هتخرج منها ولا هتموت الوقتي
عارف يعني ايه هتموت
هتموت يعني انك خلاص كده مش هتشوف حد تاني من اللي انت تعرفهم
مش هتكلم حد تاني في الموبايل من اللي كنت بتكلمهم
مش هتشوف ابوك وامك
اخوك واختك
ابنك وبنتك
حبيبك وحبيبتك
خلاص محدش هيشوفك تاني ولا هتشوف حد
كل ده مش مهم وكلنا معرضين للموت
لكن المشكلة في ايه
المشكلة انك خلاص العربية اتقلبت وانت خلاص مستحيل تنجو من الحادثة دي
وروحك فرقت جسدك
يعني موت خلاص
هل انت مستعد الوقتي انك تموت
تعالي نشوف لما العربية تنقلب بيا انا مثلا هقول ايه
انا : يارب ايه ده انا كده خلاص هموت
المسيح : ايوه خلاص هتموت مستغرب ليه
انا : لا مش مستغرب بس مكنتش متوقع اني هموت الوقتي انا كنت رايح مشوار وفي ناس مستنيني اني ارجعلهم
المسيح : طيب وانا مستنيك من زمان ترجعلي ومفكرتش حتي فيا
انا : يارب انا مش مصدق نفسي معقول انا كده ميت فعلا انا مش حاسس بنفسي خالص
المسيح : ايوه يابني وقتك جه خلاص انت مت فعلا
انا : طب والعمل .. ده انا مش مستعد خالص يارب وشايف سواد قدامي وناس بتصرخ وناس بتضحك عليا
المسيح : امال كنت عاوز تشوف ايه بعد كل اللي عملته في حياتك
انا استنيتك كتير جدا وكل يوم بديك فرصة توب وترجع وانت برضه ماشي في سكتك هي هي
انا : انت اديتني فرصه !! ده امتي ده
المسيح : امتي ده !! ياااه .. شوف انت عايش بقالك كم سنة علي الارض
بخليك تصحي كل يوم من نومك وبخليك تكمل حياتك وانت برضه مش هنا خالص .. واقول بكرة يتعدل وبرضه مفيش فايده
انا : يارب انت رحوم الحقني يارب اديني نص ساعه بس اتوب فيها واعترف .. ولا اقولك ربع ساعه .. ولا اقولك دقيقة يارب
المسيح : اديتك سنين طويلة وعمرك كله ومش توبت ولا رجعت فيه .. عاوزني اديك فرصة تانيه
انا : يارب ارجوك ارحمني انا شايف قدامي سكه سودا ومليانه شوك والم وعزاب .. مش هقدر امشيها .. ارجوك سامحني وارحمني
المسيح : انت مش عاوز تمشي فيها مع انك انت السبب في كده .. وانا رضيت اتعزب واتألم عشانك مع اني مليش ذنب في اي حاجه ولكن كان عشانك انت رضيت بكل حاجه
انا : يارب ارجوك .. ارجوك مش قادر .. ارجوك ابويا اومي مستنيني في البيت
اخويا واختي هيموتوا من غيري
المسيح : ياحبيبي كلهم هيموتوا .. انا صبرت عليك كتير والموت عبارة عن لحظة تيجي للواحد فجأة
امي : قوم يابني ياحبيبي .. عشان تلحق تروح شغلك
انا : ياااااااه ياأمي انا مش هروح الشغل .. لا انا هروح الكنيسة
انا لازم اتوب واعترف
عزيزي القارئ
انه كان مجرد حلم ولكن ممكن يحدث لك في الحقيقة
هل انت مستعد للقاء الهك
هل انت مستعد ان تموت الأن
هل انت مستعد ان تمشي في طريق البر
هل انت .. هل انت .. هل انت
جاوب علي نفسك وتوب قبل مالفرصة ماتضيع منك
سامحوني علي الأطاله
اخوكم ميكي