رد: ترنيمه : تك تك تك ده الوقت بيجرى .. ME Sat
كُتب : [ 08-25-2012
- 09:25 PM
]
تك تك تك ده الوقت بيجري
ساعة بساعة بتخلص بدري
و الايام بتفوت و تعدي
والسنة اهيه بتفوت
كل دقيقة عمرك فيها
مبيرجعش في خطوة مشيها
غالية حياتك ليه بترميها
وتندم لما تفوت
تك تك تك ساعتك زعلانة
لفت كام ساعة و تعبانة
وانت ولا صلوة ولا شغلانة
وفي كسلك مربوط
شوف شوف ده كتابك بينادي
تاني تأجلني المرة دي
وقتك ليه ضايع ع الفاضي
وانا في رفوف محطوط
بوم بوم بوم قلبك بينادي
ليه تأجل توبة المرة دي
ده الباب مفتوح اللحظة دي
قوم لا الفرصة تفوت
تن تن تن ده جرس و تملي
وقته تسبيح او بيصلي
دا اللي يسوع في حياته تملي
يوصل للملكوت
شق شق شق نور الصبحية
صاحية الشمس م الفجرية
عارفة ان الوقت عطية
ليها حساب مظبوط
ياللب بتهمل وقتك فاكر
ان العمر ده ملهوش اخر
اعمل زي الابن الشاطر
قوم لا الوقت يفوت
|