فى يوم من اجمل الايام وبين الزرع والخضره
زهور من اجمل الالوان فى عزّ الشمس والمطره
تلاقيهم فى كل اوان بترسم ادين فنان
فى لوحه بأجمل الالوان تشم ريحتهم العطره
وكان بين الورود ورده غصنها كان بشوك مليان
كانت بتعِيب على الباقى وفاكره الشوك بيدى امان
محدش ييجى يقطفها وكل الناس هتعرفها
يقولوا هى دى الورده الوحيده الباقيه فى البستان
وجه البستانى يوم تانى وقص الورده مقطفهاش
عشان شوكها اللى ماليها كتير جرّح ادين الناس
وباقى الورد فى مكانه .. مافيش اشواك فى اغصانه
جمال اللوحه الوانه فى نفس الصوره.. ومسبهاش
+++++++++
كتير عيب يبقى جوانا ونوصف فيه نقول مش عيب
ده اصله جاى على هوانا .. وايه درّاكو علم الغيب ؟؟
وطول مالوقت ياما يمر .. نحس قوام بطعم المر
نلاقى الفرح مش بيسّر .. وطحم الحلو مر كئيب
علمنا يارب نشوف .. عيوبنا قصادنا فى مرايه
علمنا منغطيش ع العيب بمليون حكايه
علمنا بس ازاى .. ازاى نعالج عيوبنا ..
نرسملها نهايه
صــــــلـــــــــــــــــ ـولــــــــــــــى
نتيجتى يوم الاتنين الجاى
ربنا يستر