[رويس]

المشاركة الأصلية كتبت بواسطة H@N! N@B!L معلش انا ليا سؤالين ارخم من بعض مبدئياً كدة اية هو وجة الاستفادة انك تكون ابلودر ودة بشكل عام ......يعني مثلاً هل دة هيكون شغل اساسي للابلودر بمرتب يعني ....ولا الموضوع هيكون مقتصر علي حسابات بريميم في الرابيدشير+الشهرة في المنتدي تاني حاجة انا عاوز اسألك فيها الداتا نفسها مين اللي هيجبها يعني الداتا اللي هتكون عند الابلودرز هنرفعها عادي طيب الافلام والشرايط اللي بتنزل في الكنائس من اللي هيكون مسئول عنها... معلش يمكن الاسئلة تكون رخمة شوية او يتقال علي اني مادي بس صدقني انا محتاجك ترد عليا بجد انا بسألك الاسئلة دي لاني اكتر واحد نفسة يبقي ابلودر مسيحي بجد ســـــــــــــــــــــــل امــ،،.

أولا تحيه طيبه ليك أستاذي الغالي
وأسئلتك مش رخمه ولا حاجه
انا هاوضح لحضرتك كل نقطه بأختصار

أولا لماذا أصبح أبلودر
دا سؤال مهم جدا جدا قد يتبادر لذهن بعض الناس اللي لسة مقبلة علي رفع الافلام والترانيم و غيرها للمنتدي

انا شخصيا كأبلودر باستفاد ايه من ذلك المجهود اللي مقدرش اقول عليه غير انه مجهد جدا

في الحقيقة القصة دي عاملة بالضبط زي لما تكون قاعد علي ترابيزة اكل كبيرة جدا و تشعر ان اخوك محتاج طبق مثلا او كوب ماء فانت من نفسك كدة تقوم تجيبلو اللي هو محتاجو
( يمكن من قبل ما يطلبو كمان)

هي دي الفكرة

انت عندك قدرة علي الحصول علي الافلام و ترغب في ان يحصل عليها جميع الناس ( حتي لو متعرفهمش ) فقط للمساعدة

و الواقع ان ليس هذا فقط هو الهدف – فهناك دائما هدف شخصي و هو الشهرة و التميز بين الجميع و الكلمة الطيبة من شخص ساعدته و الدعوة الجميله من شخص استطعت ارضاؤه دون مقابل

كل ذلك يعتبر عوائد شخصية و اهداف تسعي لتحقيقها

و المنتدي يقدم لك الفرصة لتحقيقها

يقدم لك الفرصة للتقدم و الرقي

يقدم لك الفرصة للتميز بين الجميع داخل المنتدي
( يوجد اكتر من 60.000 عضو داخل المنتدي)

اين انت من بينهم؟

من يذكر اسمك ؟

و كيف يذكره ؟

ليس هذا فقط بل يفتح لك باب التميز بين ارجاء كافة المنتديات

و نشكر ربنا في ابلودرز في منتدانا علي معروفين ليس فقط داخل منتدانا و ليس فقط بين المنتديات الصديقه بل علي مستوي كافة المنتديات علي السواء

الموضوع هو بمثابة ادمان

نعم ادمان

ادمان حب الاخرين

ادمان الرغبة في مساعدة الاخر و دون مقابل

ادمان الوصول للشهرة

ادمان تحقيق التميز و الرقي

ادمان الارتقاء بمستواك الشخصي و مستوي منتداك الذي تفتخر بالنتماء اليه

في الواقع في كلام كتير عايز اقوله

فانا اعشق الرفع و الابلود و خاصة للافلام

متعة خاصة و رغبة عارمة و تميز دائم

هل عرفت الان ؟؟

لما تصبح ابلودر ؟؟
علي ما اظن كده ان بقي عندك فكرة عامه
نيجي لحكايه مرتب او مش مرتب
انا هاتكلم عن نفسي

انا شغال في موقع ما وليا فعلاً حاجه شبه المرتب ولكن هي اقرب الي النسبه في الارباح اللي بيحققها الموقع
انا شغال هناك أبلودر تبع الموقع والارباح اللي بتيجي للموقع بيتم تقسيمها عليا انا وزملائي حسب مجهود وحصريات كل شخص فينا
ولكن أحنا هنا بنتكلم عن المواقع الدينيه ان انا هنا مش هدفي الربح المادي انا هنا هدفي الخدمه وبس لان في ناس خارج مصر وفي دول أخري الطريقه الوحيده اللي بيحصلوا علي كلمه ربنا في الشرابط او الافلام هي الانترنت وبالتالي انا دوري هنا كأبلودر تسهيل الحصول علي الملفات دي

حكايه الحسابات الرابيدشير دي مش شئ أكيد
طبعاً في ناس بترفع علي الرابيدشير فقط كهدف انهم يحصلوا علي الحسابات دي بدون النظر ان الناس مش بتحب الموقع ده أول لأ يعني كل هدفهم انهم يكونوا حساب رابيدشير بريميوم علشان يحملوا بيه هما
ولكن ده ميمنعش ان انا كونت أكتر من 4 حسابات رابيدشير من شغلي في المنتديات المسيحيه فقط ده غير اللي كونتهم من خلال شغلي في امواقع الافلام الاجنبيه وغيرها

حكايه الداتا بقي دي عن طريق حاجتين

الاولي
وهي اني انا بنزل الشرايط من علي النت اللي بتكون مرفوعه في باقي المواقع علي سيرفرات مش بيحبها الناس
RapidShare
4share
megaupload
وغيرها
وهنا بقي يجي دورنا اننا هانحمل الملفات دي ونتعب في تحميلها ونرفعه علي الاتي
Mediafire
لسهوله التعانمل معاه وقوته في التحميل و
RapidShare
لضمان بقاء الملفات علشان لو حصل فقدان ليها
الثانية
هي اننا ممكن نجيب الحاجات دي من أصدقائنا او من المكتبات الاستعاريه اللي في مخلتف الكنائس

بس في ملحوظه اننا مش هنحاول نرفع اي شرايط جديده
زي ما احنا هدفنا الخدمه يبقي لا نضر المنتجين او المرنمين

يارب أكون أجبت علي اسئلتك بطريقه سهله
وعامه هو الفريق أكتمل العدد بتاعه ولكن ممكن يكون في مكان لعضو جديد لان في عضو ممكن يتم الاستغناء عنه في الفريق

تحياتي ليك وأسف علي الاطالة