سلام النعمة
مشكلتى انى مش عارفة اميز صوت ربنا فى اى موقف بيقابلنى او فى اى فكرة بتيجى فى دماغي ..فى موقف حصل معايا فى الكليه وكنت خايفة من الدكتور يبقي متعصب
رحت قلت للعدرا " خليكى معايا اوعى تسيبينى"
والحمد لله عدت الامور بخير
المشكلة بقي انا ومروحة قلت لنفسي اعدى على كنيستي "كنيسة العدرا"واروح اشكرها انها وقفت جنبي ......بس لقيت حاجة بتقولى خلاص مش لازم اروح الكنيسة وابقي اشكرها فى البيت قدام اى صورة للعدرا......لقيت نفسي مش عارفة اروح ولا لا
المهم انا مرحتش....بس حسيت انى وحشة لانى لا شكرتها لا فى البيت ولا الكنيسة
بجد انا زعلانة اوى من نفسي لان ده حاجة بسيطة لكن لو حاجة كبيرة مش عارفة هعمل ايه؟؟؟ بجد نفسي اعرف ازاى اميز صوت ربنا