رد: † مهم راى كل البنات †
كُتب : [ 07-01-2008
- 08:47 AM
]
ممممم موضوع جامددددددددددددددددددد بأمانة ميرسى جدا للى عمل الموضوع
انا رأيى انه صعب جدا جدا جدا دة ان مكنش مستحيل دة لان معظم الولاد فى المجتمعات الشرقية عندهم شيزوفرينيا مش عارفين هما عايزيين ايه !!!!!
دة حتى لما واحد قال لواحدة انه بيحبها بمجرد ما يحس انها بتحبة جدا و اتعلقت بيه يبتدى يبهدل فيها و يستغل الموضوع دة جامد و ميهموش انه يجرحها ولا لا و دة لانة بيحس انها كدة كدة معاة و مش هتسيبة لانها بتحبة !!!!
الكلام دة من خلال البهدلة اللى صاحباتى متبهدلينها و من خلال تعاملى صاحب صاحبتى الانتيم !!
بجد الولاد مش عارفين هما عايزين ايه !!! و مشاعرهم بتتغير بسرعة جدا !! و كل اللى بيحسوة ناحية البنات بيبقى مجرد اعجاب و هما بيفتكروة حب !! بس البنات بتحب بجد و دة بيدى فرصة للولاد انهم يجرحوهم !!
لو واحدة راحت لواحد قالتلة انها بتحبة هياخد قلم فى نفسة و يبتدى يتقل عليها !!!
كان فيه واحدة معجبة بواحد مصاحب واحدة اعرفها دلوقت و البنت دى قالتلة انها بتحبة و كانت امورة و كل حاجة بس هو حس انها بتفرض نفسها علية و سابها و حب واحدة تانية !!
و بعدين عشان واحدة تحب واحد او واحد يحب واحدة لازم يكون فيه اساس للموضوع دة ... يكون بيعاملها معاملة خاصة . بيحكيلها عن نفسة كتير .. بيحكيلها عن مشاكلة و هى كمان نفس الموضوع فا لازم يبقى فيه اعجاب متبادل و صداقة قوية ... لو كان فيه صداقة قوية و ثقة متبادلة و البنت عارفة الولد دة كويس ممكن تلمحلة انها بتحبة عن طريق انها تكلمة كتير . تحسسة انها جمبة و بتساعدة فى مشاكلة .. لو متضايق تحاول تخرجة من الموود دة و تبينلة انها مشاركاة زعلة و كدة و الولاد بيفهموا بسرعة لكن اكبر غلط انها تروح تقولة انها بتحبة لانة ممكن يكون مبيحبهاش و بكدة تحرج نفسها جامد جداااااااا
معظم الولاد بياخدوا الحب دة على انه تسلية و حاجة كدة تضيع وقت لكن البنات معظمهم بياخدوا الموضوع جد
طبعا مش كل الولاد وحشين و سوررررررررررررررررررى  بس دة رأيى من خلال تعاملاتى مع الناس
|