رحت وكلى لهفة وشوق
رحت وكلى امل وشوق
رحت ادور بين العيون على عينيه
دورت ولفيت وتهت بين العيون
بس يا خسارة
ملقيتش حبيبى
رجعت وكلى اسف وقلبى موجوع
رجعت وقلبى مليان حزن واوجاع
كان كلى امل اشوف حبيبى
اشوف لهفة لقانا فى عينيه
احس دفا حبه فى لمسة ايديه
احس حنانه وطيبته من كلامه وضحكة عينيه
رحت ادور تانى بين العيون
دورت تانى وتالت وعاشر
قلبى رافض انه مش معايا
رافض انه فى يوم ميكونش ويايا
معلش اعذره ياقلبى
ده حبيبك برضه
ده البعاد بيزيد الاشواق
واللقا بعد الانتظار مليان حنين واشواق
اصبر على حبيبك ياقلبى
ماهو برضه مش هاين عليه بعادك
ده لو بايده ييجى طاير ع السحاب
يخطفك من بين كل الاحباب
يطير بيك لدنيا تانية
مليانة اشواق وغرام
غصب عنه بعاده يا قلبى
اصبر واستنى
وشوف لحظة لقاه
وانت تعرف بيحبك اد ايه وبيدوب فى هواك