[anosh]

عماد بجد انا كنت اخر حاجه اتوقعها انك تقول انها ماتت او توفت فى حادث بالشكل ده ... انت طبعا ممكن تكون كرهت والدك لانك حاسس انه السبب فى موتها ... بس انا عايزه اقولك حاجه كل واحد بياخد نصيبه من الدنيا يعنى هى عمرها كده لايمكن كنت تغير ميعاد موتها الانسان مابيعرفش بيتولد امتى و لايعرف هايموت امتى لكن ربنا محدد لكل واحد وقته ... هو عمرها كده ... و عايز الصراحه اشكر ربنا انه حل المشكله ديه من عنده و رايحك ... مع احترامى لمشاعرك انت انسان ناضج و واعى كانت اخر العلاقه ديه ايه ؟ ماحدش كان عارف ايه اللى كان ممكن يحصل صدقنى ربنا حلها من عنده ... اعتبرها فترة من حياتك درس تتعلم منه انك لما تبدا مشروع او علاقه او طريق تمشى فيه لازم تعرف انت رايح على فين و لازم تعرف نهايته ايه ؟ بص لنفسك هاتلاقى فيك نور المسيح لسه موجود و لسه جواك حاجات حلوه كتير اخدم ربك و كنيستك و حب والدك و والدتك اللى تعبوا فى تربيتك مش تكرهوا بسبب انسانه مافيهاش دم المسيح و لا جسده ... سيبك من التدمير اللى بتعمله فى نفسك من اى مخدرات او اى مكيفات ... ابداء من تانى و اشكر ربنا من قلبك على كل حال لانك اكيد احسن من ناس كتير بلاش شيطان الياس يدمر حياتك بص للمسيح المصلوب و اشكره لانه اداك نعم كتير لازم تكون امين عليها امين على حياتك و قلبك و فكرك و اسرتك و شغلك و دراستك و امين على خدمتك كمان ... الدنيا مش هاتقف على كده اتحدى الشيطان بايمانك بربنا و قوله يارب استخدمنى انت للخير اشتغل فيا و اشفى نفسى المكسورة الذليلة ...اتمسك بوعود ربنا و خليك اقوى من الشيطان ... و ادعى ان ربنا يبعت لك الانسانه اللى تستاهلك و تصون حبك و اسمك و بيتك ... الحق نفسك قبل ماعمرك فى الياس يضيع و يفرح فيك ابليس ... ربنا معاك و ينور طريقك و يدبر حياتك حسب ارادته و مشيئته الصالحه ...