كُتب : [ 06-22-2011 - 11:31 PM ]
موضوعى النهارده عن مصر يعنى ام الدنيا .. يعنى ام امريكا و ام اسرائيل و ام الى جابهم هما الجوز ... هو مش عن مصر اوى يعنى بس عن حاجه بتحصل ف مصر كتير و هتفضل تحصل و بتتوغل و تتوغل و تنتشر نبتدى الموضوع ... كان هناك سباق تجديف بين فريقين (( مصري )) و (( ياباني )) كل قارب يحمل على متنه تسعة أشخاص و ف نهاية السباق وجدوا ان الفريق الياباني انتصر بفارق رهيب جداً وبتحليل النتيجة وجدوا ان الفريق الياباني يتكون من ... 1 مدير قارب .. و 8 مجدفين و ع الناحيه الاخرى الفريق المصري يتكون من .. 8 مديرين .. و 1 مجدف حاول الفريق المصري تعديل التشكيل ليتكون من مدير واحد مثل الفريق الياباني وتمت إعادة السباق مرة أخرى و ف نهاية السباق وجدوا ان الفريق الياباني انتصر بفارق رهيب جداً تماماً مثل المرة السابقة !!! و بتحليل النتيجة وجدوا أن ... الفريق الياباني يتكون من .. 1 مدير قارب .. و 8 مجدفين و الفريق المصري يتكون من .. 1 مدير عام .. 3 مديري ادارات .. و 4 رؤساء اقسام .. و 1 مجدف فقرر الفريق المصري محاسبة المخطئ فتم فصل المجدف !!! هكذا هى الحياه فى معظم الاماكن المصريه التى بها مسؤليات هذا هو سبب تأخرنا و تخلفنا يبقى انت اكيد ف مصر ... نروح لقصه تانيه برده بس حسب رؤيه شخصيه هقولها ... قصه الحمار الى دخل مزرعه راجل و قعد يبرتع فيها ياكل هنا و هنا و يدوس الزرع و ياخده للحمير قرايبه يديهم و جاب حمار صاحبه و فرجه ع المزرعه و الراجل صاحب المزرعه شاف الوضع دا كدا جاب يفط و كتب عليها ارحل يا حمار .. ارحل ارحل بس للاسف مكنش عارف انه حمار الراجل جمع اهل البلد كلهم و عملوا اجتماع و ف الاخر عملوا ثوره و مسكوا يفط برده و شتموا فيها الحمار بس الحمار شافهم و فضل برده ياكل ف المزرعه و يبرتع الناس ذهقت و مش عارفين يمشوا الحمار دا اذاى !!! واحد منهم فكر و جاب دميه لعبه ع شكل الحمار و حطوها قدام الحمار وولعوا فيها عشان يخاف الحمار شافهم و راح يكمل اكل ) ما هو حمار و مش هيفهم الناس ذهقت اوى و صاحب المزرعه قرر انه يقسم المزرعه بينه و بين الحمار يديله جزء و ياخد جزء قام محدد الارض بخطوط و فواصل و قال للحمار دا جزئك و دا جزئى الحمار فضل ف جزئه يوم و التانى و اما خلص الزرع الى فيه كسر الفاصل و دخل ع الجزء بتاع الراجل و كل فيه الناس اتجمعت ف البلد و مندهشين من الى يحصل دا و قعدوا يهتفوا ارحل ارحل يا حمار و فجأه ... خرج من وسط الحشود طفل صغير دخل المزرعه و مسك طوبه و حدفها ع الحمار الحمار طلع يجرى و خرج برا المزرعه !!! الناس الكبار و المسؤلين ف البلد اصابهم الخجل و العار من هذا الطفل الذى اراح الجميع من هم و مشكله هم بضعفهم و جهلهم لم يعرفوا حلها فماذا هم بفاعلون بعدما رحل الحمار !!! اخذوا يفكرون و يفكرون ف طريقه لكى يداروا العار الذى ع وجههم و بعد التفكير ... قتلوا هذا الطفل الصغير و اذاعوا انه مات نتيجه شقاوته و عبثه و مشاكله الكثيره انه حقا طفل غبى مشاكس و بحثوا عن الحمار و احضروه داخل المزرعه مره اخرى لكى لا يصبح الطفل افضل منهم و يرى الجميع من هو الحمار وكى يثبتوا ان الحمار سيبقى للابد .. حمااااااااار عاوز كومنت ع القصتين دول و الشبه بينهم لو حد فهم قصدى !!! ليه دايما مش بنجيب الغلط ع الكبار !!! ع المسؤلين .. ع المديرين ع مدرسى ... ع ابويا .. ع عمى ليه مجيش اقف قدام مديرى ف الشغل و اقوله حاضر و انفذ اوامره باحترام لكن اما يغلط منافقش او اجامل ليه مقولوش حضرتك غلطت و عملت كذا !!! هو مش بشر ذينا ولا ايه ! ليه مليش الحق اما ابويا يغلط معايا اقوله يا بابا حضرتك غلطت و مكنش يصح التصرف دا ليه اما مسؤل او مدير ياخد قرار غلط ليه الموظفين ميتلموش و يقولوله ميصحش كدا حضرتك غلطت و الصح كذا كذا طالما هوصل رأيى باحترام و لو نقد حتى ليه مقولوش !!! ليه دايما الكبير او المسؤل مش شايف نفسه غلط دا ممكن يكون غباء داخلى من الناس دى طيب ربنا يشفيهم و يتعالجوا و يريحونا بس ليه الى حواليهم بيزودوا الغباء دا !!! ليه معظمهم بينافقوا و يقولولوا انت 100/100 بيهدموا شعله الامل الى هتنور و تصحح حاجات كتير لمصالح و اغراض شخصيه حقيره نفس نظام الريس لما كان ماشى غلط و البلد فيها سرقه و نهب من تحته و الوزراء و المسؤلين يقولوا لا يا باشا الدنيا ذى الفل و الشعب منتعش لا ياريس تصدير الغاز لاسرائيل قرار صائب و فيه منفعه لا انت احسن ريس ... دمت لنا فخرا دلوقتى انا عرفت الناس دى بتنافق ليه عشان هو كان بياكل التورته من فوق و هما بياكلوها من تحت دول كانوا ذى النمل الى بيتلم ع الفضلات اما حد ياكل و يسيبها دول كانوا مستفيدين برده و اكيد اى حد بينافق مستفيد مشكله كبيره جدا و نفسى تتعالج ف مجتمعنا دايما بنسمع اسكت يا ولد دا كبير عيب يا بنت ميصحش تجادلى الكبار و دائما الكلمه الغبيه المتخلفه التى لا اساس لها من الصحه اكبر منك بيوم يعرف عنك بسنه و كأن احنا مش هنبقى كبار و كأن الناس الكبيره اتولدت كبيره بسنها دا عالم فقيعه و اوفر البلوفر الخبره بتبقى للناس الى عاشت فتره زمنيه كبيره دا موضوع مفيش جدال عاليه ان خبرتهم بتبقى اكبر و مش قصدى خبره معرفه لان وارد جدا يكون مش معرفه بس هقول خبره حياتيه بحكم السن ليس إلا ... لكن هل معنى كدا ان حد اكبر منى يبقى لازم يكون كلامه صح و سيف ع رقبتى ! لازم يبقى مبيغلطش و مطلوب منى اقول سمعا و طاعه هو ملاك ولا ايه .. و لا مكنش صغير ذيى ولا جنس مامته ايه بالظبط ! ف تفرقه سخيفه متخلفه بين الاعمار و السن ف مجتمعنا من ناحيه العلم و المعرفه الحق يقال و انا قلت الخبره الحياتيه ليهم لكن المعرفه و الذكاء لينا احنا بيقولوا ع الاجيال الطالعه ذكيه بيقولوا ع الناس الكبيره محنكين شفتوا الفرق !!! ليه ميبقاش ف دائره نقاش و حوار تسع الجميع للتفاهم احنا مستغربين من الى الحكام بيعملوه فينا طب ما احنا بنعملوا ف بعضينا بس كل واحد حسب امكانياته و الدايره بتدور مديرى يرفدنى من الشغل ظلم ابويا يغلط و يصحح غلطه بالقائه عليا اتبند ف منتدى ظلم عشان مشرف الى قال كدا حاجات كتير اوى بنعملها ف بعض و ف نفس الوقت الناس دى كانت بتروح التحرير و تقول العدل فين !!! ياااااااه ع التناقض مش تبدأوا بنفسكم الاول ! مش تعدلوا انتوا قبل ما تطالبوا بالعدل مش تتقوا الله ف بعض قبل ما تطالبوا بحاكم يتقى الله فيكم !!! متهيألى انا دلوقتى ليه عرفت كان بيحصلنا دا كله ليه الفتره الى فاتت ليه كان ف سرقه و نهب و مكنش بيهمهم الشعب و متهيالى انتوا كمان عرفتوا !!! ليه مفيش ابداع او مساحه للتجديد ! ليه الناس دى عاوزه تفضل ف مستنقع طول حياتها ! الكبير او المسؤل عارف انه غلط و بيتمادى و دا راجع لضعفه و قله حيلته و الى تحتيه عارفين انه غلط و بينافقوه و اهى ذيطه و الكل هياكل من التورته ليه كل واحد شايف نفسه قائد ! ليه منبقاش كلنا ذى بعض و كلنا قاده لكن جوانا بفعل و عدل مش كلقب طمعانين فيه ليه ننافق و نجامل الضعيف و الجاهل و نبقى اجهل و اضعف منه و كل دا عشان ايه !!! ليه منشميش بالحق بتاع ربنا و العقاب و الثواب يتساووا عند كل البشر مفيش فرق سنا او سلطه او اى شئ ... بتنكسف تقول لحد كبير انت غلطت ؟ نافقت حد قبل كدا عشان هو كبير و مسؤل ؟ عاوز اعرف رأيكم إيه ف الكلام ؟ إتظلمت قبل كدا و انت ع حق بس لمجرد غلبه الطرف الاخر سواء بالسن او السلطه و نفاق الاخرين ؟ elshbah 22\6\2011 المصدر: †† ارثوذكس †† - من قسم: كلام فى الممنوع