[emarina]

المشاركة الأصلية كتبت بواسطة رويس غالباً بيكون 50% من حبي لشخص ما يؤدي لاقتناعي بكلامه يعني علشان انا اخلي اللي قدامي يتقبل التعليم مني ويصدقه ويعيشة يسلتزم 50% حبه واعجابي بي و50% دلائل منطقية تريح العقل وتقعنه وسلوك مني يثبت اني أول من يؤمن بالكلام اللي بقوله وليس مجرد شعارات. ساعات لما احب اجيب طفل بجيبه للكنيسة بدافع انه هياخد بونبونايه في اخر اليوم (أم أتنين بشلن، هو واحده وانا واحده علشان احسسه بقيمه اللي بدهولة وانه مش شئ بستخف بيه .... عبيط انا، قال يعني في دلوقتي بنوبوني الاتنين منه بشلن) ولكن لازم مع التقدم اظهرله المسيح علشان يبقي جاي الكنيسة مش علشان الملبس ولكن علشان المسيح، ولكن فقط انا جبت رجله بالبنوبوني (صدقيني ملقناش حد يدينا بالونه حتي مش بونبوني هههههه). وكلام استاذ ايمن مفهوش فصال، بقي حد يلاقي واحد زي اعظم لاهوتي في تاريخ المسيحية زي بولس الرسول ويقولي اسيبه هههههههههه ابقي قابلني، ده لو قال ارمي نفسك في البحر هارمي (بعرف اعوم انا، متخفوش). لازم روح التلمذه لان فيها فؤاد رهيبه جدا جدا جدا، بس هو الفكرة مين اللي ينفع أب يقدر يعمل تلاميذ زي الانبا مقار والانبا انطونيوس، مين اللي يملك كل الامكانيات اللي كانت عند الناس دي ؟ (نجيب من الصين .. مش كده ارخص؟). معلش علي الكلام الهزار، بصي حضرتك هاقول نقتطين بس في حاجه اسمها الخادم المغناطيسي ودي اتكلم عليها يا اما ابونا داود لمعي او ابونا مرقص ميلاد او ابونا انطونيوس فهمي (مش فاكر بصراحة) الخادم ده علي الرغم انه مش واعظ ومش لاهوتي ومش ومش ولكن سبحان الله تلاقي ربنا عاطيلي موهبه تخليه مجرد بس يمشي في مكان الناس تحب تقعد جنبه وتلتف حوليه، الفكرة بقي في الاب الروحي او الكاهن اللي يقدر يلاقي الخادم المغناطيسي ده ويستخدمه صح لكسب الناس. علشان تفهمي كلام الاستاذ ايمن اكثر وبتوسع اكبر اسمعي عظة ابونا داود لمعي مقومات الخادم الأرثوذكسى الخادم الاورثوذكسي والكتاب المقدس وفي العظة الاولي هايذكر قول القديس بولس "عارفاً ممن تعلمت" وعلق ان اي خادم ارثوذكسي صحيح يجب ان يكون ابتدي بالتلمذه، وقال حتي وحضرتك هاتسمعي انه يجب عند اختيار الخدام اني اسئلة انت تلميذ من ؟ مفيش واحد كده يطلع شيطاني بدون تلمذه وأمسكه خدمة اللي هي من المفترض انه هايتلمذ تحت ايده جيل. (التلمذه هي مفتاح الخادم الارثوذكسي)، وقول بولس الرسول ايضاً "وما سمعته مني بشهود كثيرين، أودعه أناساً أمناء، يكونون أكفاء أن يعملوا آخرين أيضاً" (2تي2: 2). ودي عظات مكتوبة عن العملاق مارمرقس الرسول لابونا مرقص ميلاد (طبعاً مش كل حاجه بتيجي علي طبق من ذهب علشان كده مش هاجيبلك العظان مسموعة، يا تقريها وتمئئي عنيكي يا اما تسئلي عمو جوجل عن العظات دي بالصوت) وشوفي بقي مين هو الخادم الحقيقي، اللي احنا عرفنا عنه معلومات لمجرد انه في مرة نسي وكتب انه قريب فلان فعرفنا هو مين (اخفاء للذات لاقصي الحدود)، مين اللي وقف امام عمالقه العالم في الفلسفة والعلوم وأقنعهم بالايمان المسيحي. وطبعاً الانبا موسي أسقف الشباب اللي عمل نقله في الخدمة في العصر الحديث ليه عظات عن الخدمة زي الخدمة الأرثوذكسية توجهات تعليمية خاطئة معاصرة في رغي كتير .. رغي كتير .. اسف بجد علي الاطالة انا بس قولت أرخم شوية وسلامك وصل علي فكرة .. احسن تفتكري اني مطنش

بالنسبه لموضوع تعلق الطفل بالخادم ان مع الاخت ايمان بس الاخ اللي بيقول انا لوقدامي بولس الرسول حضرتك كبير وفاهم وواعي ان ده معلم عظيم اما بالنسبه للطفل فهو لايعرف مقدار هذه العظمه وانه سوف يدركها فيما بعد مثلما فعلنا نحن
وما اقوله الان عن تجربه وليس مجرد راي حدث في مرحلة خامسه ابتدائي خادم جعل مخوميه في الفصل يتعلقون به لدرجة انهم وثقوا فيه لدرجه كبيره حتى انه تعامل مع البنات كبنت زيهم وهو خادم وده ممكن يكون كويس ولكن النتائج فيما بعد اثبتت العكس حتى انه قال لهم لو اي خادم او خادمه زعق معاكم بجحوا في وجهه وهذا ما حدث حيث ان هذه الدفعه من اطفال سنه خامسه اصبح التعامل معهم صعب حتى لما وصلوا اعدادي شكوا منهم خدام وخادمات اعدادي حتى انه ذات يوم انقلب عليه هو ما قام بتعليمه للاطفال وبجحوا في وجهه وعندما تخرج هولاء الاطفال من سنه خامسه ودخلوا سنه سادسه في بداية الامر اتمنع هذا الخادم من الذهاب الى سنه سادسه ولكنه ذهب ليخدم فيها ولم يستطع التعامل معهم لانهم وبالاخص المجموعه التي كان يحبذها هذا الخادم من الاطفال رافضين لاي مشوره من اي خادم
فهل هذا ما نريده في اطفالنا هذه الايام
اشكركم لطول اناتكم علي وارجو توضيح اخطائي لو وجد