فيديو علبه الوان..! "بقلمى"
[ame]http://www.youtube.com/watch?v=SlO6f8ue2_A&feature=player_embedded[/ame]
3ElBeT aLwOaN..!
علبه الوان..!
bY.. ME
tAdReS sAlAh
كنا زمان
فى حصه رسم..
بصيت للرسمه..
وللالوان
لونى الابيض..
كان زى ماهو..
الوانى بتصغر..!
الا هو !
فاستغربت..
ف روحت سألت..
حد استخدم لونه الابيض..؟
طب حد فى رسمه.. حب يجرب؟
شكل اللون الابيض ايه..!
حب يشغبط مثلا بيه..!
سكتوا كتيييير..
لا وكمان..
عملوا فيها..
تعبوا شويه..!!
من التفكير..
والى جاوبنى..هزلى راسه..
فايدته ايه..!
مش بيبان اصلاً
لما بنكتب بيه..!
واتعلمت الدرس فى ثانيه..
الكراسه..
زى الدنيا..!
والالوان..
احنا هما..
الأبيض فينا.. مابيلونش..
لازم يطلع بره العلبه..!
اااااااااااااااه يا دنيا مليانه الوان..!
الطيب فيكى..
مش من حقه حتى يبان..!
.........................
مين فينا وهو صغير..!
قبل ما يكبر..
او يتغير..!
جرب مره لونه الابيض..!
لما اشترى علبه الوان..؟
؟؟
كلنا كنا..
بنبعده عنا..
اول لما بنفتح علبه..!
لحسن ننسى..
ونلون بيه..
وفى اخر الحصه..
تبقى الرسمه..
زى زمان..!
زى ما هى..
فى الكراسه..!
من غير الوان..
اصل
الابيض..!
فى الالوان
مش بيغير ولا بيبان..!
ولما كبرنا..
فضلنا نلون.. زى زمان..
واتلونا..
احنا كمان..
ونسينا..
ان الابيض..
من
الالوان..!
واتغيرنا..
واتفننا..
اننا نصنع الوان تانيه..!
مش فى العلبه..!
مثلا نخلط احمر واصفر..!
ولا..
الازرق..
على لون اخضر..!
واللى يطلع اغرب لون..
يبقى الاشطر..
والشطار..طلعوا كتــــــــــــير
ناس من بره تملك طيبه..!
ومن جواها..
كان شرير..!
والالوان سترة ياما..
خلت لؤم الانسان..
طيبه..!
وخلت شكل الطيبه غريبه..!
وباللون "الاسود" فى الالوان..
غيرناها هى كمان..
عكس زمان..
لدرجه ان كتير م الناس..
افتكروها اصلا..
عيبه..!
انا عن نفسى..
نفسى..اتغير..
وارجع تانى ابقى صغير..
من جوايا..
املك طيبه من غير الوان..
فيها ايه لو كل واحد زى زمان..
يرجع صغير من تانى..
وانه يبطل يبقى..
انانى..
يعنى بمعنى..
انه يكون..
انسان تانى..
غير دلوقتى..!
نفسى..
اللون الابيض يرجع..
ونفسى الاسود..
يبطل..
يوجع..!
و أول لون يطلع..
لما..
ندخل نرسم رسمه فى حصه..!
يبقى الابيض..
نقعد نرسم..
رسمه جميله.. 
مش محتاجه..ألوان ولا نيله..!
وان.. لاونا..!
يبقى اللون الابيض..
أووووووولى...
ومانغيرش بالالوان فى شكل الرسمه..!
.
.
.
وترجع بقى قيمه اللون..!
ويرجع تانى..
اللون فى العلبه
3ElBeT aLwOaN_*..!
علبه الوان..!
bY.. ME
صلو من اجلى
وجودكم يشرفنى ويسعدنى..
صفحه:
محــبى أشـــعار وكتـــابات . تادرس صلاحღ_* .
http://www.facebook.com/tadres.lovers