ازيكم يا اعضاء ارثوذكس
بصراحة انا عاوزة افضفض معاكم بحاجة
بس مش عارفة اطلع اللى جوايا نفسى اعبر عن حاجة بشوفها وبتضايقنى وعاوزة اعرف رايكم فيها !!
انا بشوف ناااس كتير لما بتزعل مع ناااس بتتصالح وبتقبل الصلح لمجرد السياسة يعنى اة انا صالحت فلان علشان منعملش مشاكل ويزيد الخلافات والناس تتكلم عننا علشان بنتعامل مع بعض فى مجالات معينة وبنحتاج بعض علشان محدش يقول قلبى اسود وشايل ومش عارف اسامح علشان اعرف اتناول وضميرى ميئنبنيش علشان مكونش قدوة سيئة لغيرى ولادى او اصحابى او مخدومينى - عشان عشان عشان حاجات كتير بس كلها بعيدة كل البعد عن الحب والتسامح الحقيقى
الغريب ان الانسان دة بيكون مقتنع بموقفة وراضى عن نفسة وضميرة مرتاح او بمعنى اصح متخدر
التسامح النابع من القلب التسامح الحقيقى مش كدة خالص !!
لان بالطريقة دى بتفضل رواسب برضوا جوة القلوب ومع اقل مشكلة او نصف كلمة تظهر المشاعر الحقيقة تااانى وممكن كمان دة يدفعة لفهم الامور غلط وبسؤ نية يتصور الانسان حاجات ملهاش اساس من الصح والوجود لان التسامح فى المرة الاولى مكنش كامل مكانشى صح مكانشى نابع من الاعماق ومبنى على محبة المسيح مكانشى اكثر من مجرد سياسة امور علشان اسباب كتير كلها بعيدة عن ربنا خالص
اية رايكم فى ناااس تنافق ناااس ويتعاملوا مع بعض وهما من قدام بعض حبايب ومن ورا بعض مفيش اتفاق فى اى حاجة خالص ودى قدامى ودى قدامى اعرف الاتنين وبسمع كل شخصية فيهم لوحدها عن التانية
ودة من وجهة نظرهم حكمة فى التعامل وسياسة الامور مش نفاق خالص ولا عدم محبة
التسامح الحقيقى بينسى الاساءة فعلا بينسى كل حاجة ويفتكر بس الحب غير كدة يبقى تسامح ناقص مش كامل
صح يا احبائى انا عاوزة اسمعكم ياريت تشاركونى وتتكلموا معايا وتساعدونى يمكن اكون انا غلط لو حد شايف حاجة انا مش شايفاها ياريت يقولنا عليها
مشاهدة صفحة طباعة الموضوع
أرسل هذا الموضوع إلى صديق
انت سامحت حقيقى
المواضيع المتشابهه
العرض الشجري