اسف لو كنت جرحتك
اسف لو يامه اهانتك
انا عارف انى كتير زعلتك
وبقسوة قلبى بعدت عنك
بزعل على حبيبى وصديقى واكتئب لو زعل منى
وانا طول الوقت شغال شتايم وحلفان ويامه زعلتك منى
عمرى ما بصيت لزعلك انت
ببص لزعل اصحابى واحبابى اللى مبيعملوش ليا حاجه
اما اللى اتصلب على الصليب ناسيه
وماشى ديما اهين فيه
دينك ايه دينى مسيحى
ومعلق صليبى على صدرى ودقه فى ايدى
يا سلام عليا واد مسيحى مسيحى يعنى
وانا ماشى فى الشارع مفتخر بصليبك
لكن مكسوف من عمايلى
اصل عمايلى هانت صليبك
سامحنى ده انا كل يوم بصلبك
وكل دقيقه يا يسوع بطعنك
وبأيديا دول بدق المسمار فى يدك
ده انا بقيت اشطر من الجنود اللى زمان صلبوك
هما دقوا مسمارين فى ايديك وواحد فى رجليك
انا بقى دقيت فى جسمك كله مسامير
ايوة كل ده بسبب عمايلى
وعامل مش واخد بالى
سامحنى يا يسوع
اصل انا اشطر من الجنود
وابليش شدنى فى طريقه
ونسيت انك رب الوجود
ارجوك سامحنى
مشاهدة صفحة طباعة الموضوع
أرسل هذا الموضوع إلى صديق
العرض الشجري