أخدت مكانك
تعالى وأرجع يا أبنى الحبيب تعالى وشوفنى على الصليب .
تعالى وشوف اللى كان عشانك أتحملته وشلته بدالك .
تعالى وشوف صليبك تقيل على كتفى شيله طريق طويل .
طريق مليان آهات ودموع طريق فى نهايته صليب مرفوع .
كرباج فوق ضهرى يناديك مسمار فى ايديا يصرخ عليك .
من البعد أرجع كفاية بلاش تزود حزنى وعنايا .
قلبك ليه عليا عنيد ليه فى الآسية عمال تزيد .
طعنة غدر الآمها شديد وأنت بتطعن تانى من جديد .
دموعى سالت مع بكايا سقونى الخل وزادوا فأزايا .
عذابات وجراح مالها نهاية وده كله يهون وتبقى معايا .
مهما هتجرح يا ابنى فىّ مهما تزيد فى شوك جبينى .
دانت أغلى حاجه عندى وليك بيكتر حبى وحنينى .
كل الآمى دى كانت ليك أخدت مكانك علشان ارضيك .
كل أوجاعى وبموتى فديك ودمعه مابانت يوم فى عنيك .
تعالى وأرجع لحضن قلبى تعالى وشيل منىّ أنينى .
ومهما تطول وتزيد فبعدى هافضل مستنى يا ابنى تجينى ...
يارب أكون قدرت أكتب كويس وتعجبكم ..