التحكم في المشاعر
بنواجه في حياتنا صعوبات كتييييييير اوي ومشاكل وضغوط
طبعا الحجات دي عمرها ما هتنتهي
لانها جزء من حياتنا
واحنا عمرنا ما شفنا انسان منذ ولادته حتي وفاته
ومحصلوش ولو مشكله واحده
ولو امبارح زي النهارده زي ايام قبله
تبقي الحياه ممله ومفيهاش متعه
حتي لو كانت المتعه هي صعوبات بتخلقلنا حجات جديده
عشان كدا المفروض اننا نتغير ونغير طريقة تفكيرنا
لذلك
المفروض اننا نتعلم ازاي نواجه المشاكل والضغوط دي
عشان لو احنا مواجهنهاش ..... هي هتواجهنا بشكل سلبي
فالكلام دا كله ممكن نلخصه في كلمتين
برمج عقلك
نبدأ بقا والمهم تكونو فهمتو الكلام الاولاني
كتير بنحس بمشاعر واحاسيس نفسنا نتخلص منها
طب بعقلك كدا....ممكن نتحكم في مشاعرنا ؟!
ناس تقولك لا مينفعش نتحكم في مشاعرنا لانها بتكون ناتجه عن حجات كتير بتحصلنا
لكن الكلام دا غلط
عارفين ليه ؟؟!!
لان المشاعر دي سواء سلبيه او ايجابيه حاجه جوانا احنا
يعني عايز تضحك هتضحك
عايز تعيط هتعيط
مهما كانت الظروف حواليك
اختيارك انت ..................
فالاعتقادات السلبيه نقدر نقول انها من اهم الاشياء اللي تخلينا من المستحيل التحكم في مشاعرنا
زي مثلا
لا يمكن التحكم في المشاعر.
من المفروض أن أتضايق كي أشعر بالمشكلة.
.لو تحكمت في مشاعري سأكون باردا عديم الإحساس
.الذي يتحكم في مشاعره، ليس إنسانا
فالانسانيه هنا من وجهة نظرهم انك لازم تحس بالمشكله وتعيشها عشان تحلها ...
ودا غلط
لان من الانسانيه ان يكون لك اختيارات في حياتك وحياتك كلها مبنيه علي اختياراتك انت
عشان كدا هنقول 4 خطوات لكي تتحكم في مشاعرك وتواجه مشاكلك
وهناقش منهم خطوتين المره دي
الخطوه الاولي ... انه يمكننا التحكم في مشاعرنا
يعني لو كنت مبسوط اكيد ذهنك هيكون صافي انك تحل اي مشكله ليك
لكن لو كنت متضايق او متعصب فمهما تحاول تفكر هتغلط مش هتحل حاجه
عشان كدا لما بيحصل حاجه وحشه لا قدر الله
وكمان لما الواحد يتحكم في مشاعره يعني مش هيزعل حد منه
مهما حصل من مشاكل مع غيرك
تقدر تحلها من غير ما تتشاكل معاه
فسعتها هتزيد محبتك عندهم حتي لو كانو هما الغلطانين
انك تشيل اي عقبه جواك تمنعك من انك تتحكم في مشاعرك
نيجي بقا للخطوه التانيه وهي الاختيار بين الكبت او التحكم
يعني مثلا الخطوه الاولي قلنا اننا نختار نتحكم في مشاعرنا
فييجو ناس يقولو ماشي انا هتحكم في مشاعري اني هخفيها جوايا يعني يكبتها
انك لما تكون متضايق من حد او حاجه
وكل قطرة مياه بنحطها ف الكوب دا هي مشكله بتكتمها جواك
فالنتيجه ف الاخر ان الكوب هيتملي وهيغرق حواليه
عشان كدا بنقول غلط كبت المشاعر بداخلك
فالفرق هنا بين الكتم والتحكم
هو ان الكتم انك تشعر بمشاعر سلبيه لكن تتعلم ازاي متظهرهاش
لكن التحكم ازاي متشعرش اساسا بمشاعر سلبيه
واحنا طبعا فضلنا التحكم عن الكتم
طب نتحكم ازاي بقا في مشاعرنا ؟
اولا اني احدد الشعور قبل ما اشعر بيه يعني الامثله دي هتوضح اللي اقصده
يعني مثلا لما ييجي عليك لحظه تحس ان حبيبك مبقاش بيحبك وتصرفاته اتغيرت
فهنا ممكن تتوقع انكم هتفترقو ف يوم ما
او انك مثلا رايح تشوف نتيجتك وانت عارف انك مذاكرتش او حليت
يعني متوقع ايه اللي هتجيبه ف معظم الاحيان
والغرض من الامثله دي اننا نحدد شعورنا قبل ما نشعر بيها عشان ميبقاش صدمه بالنسبه لينا
عشان كدا مهم جدا اننا نحدد الشعور اللي عايزين نشعر بيه
يعني بخصوص النتيجه واني عندي شك اني هجيب درجات مش حلوه
فاقول ان دا هيكون دافع ان شاء الله اني انجح بتفوق فيما بعد
ومن هنا اتحول الشعور بالحزن والكابه لشعور امل وسعاده
تاني نقطه في الخطوه التانيه اننا نعيد تفسير الموقف
يعني مثلا لو جالك شخص وكلمك باسلوب وحش اوي وبعصبيه
في موقفين انت هتمثل واحد فيهم
اما انك هتحزن وتضايق اوي من اللي بيقوله الشخص دا وهو غير سليم في حقك
وسعتها الشعور السلبي هيتمكن منك
او انك تشعر ان الشخص دا متضايق من موقف ما وفقد اعصابه لكن انا همسك اعصابي
وبكدا في الخطوه الاولي بنقرر اننا نمارس مهارة التحكم في المشاعر
والخطوه التانيه بنمارس المهاره بالفعل وبالنقاط اللي قلناها
انتظرونا مع اخر خطوتين في كيف نتحكم في مشاعرنا
مقتبس من مقالات الدكتور شريف عرفه