[Shosei]

اى انسان بيمر بتجربة بيتمنى انها تمر سريعا لاننا فى وقت التجربة او الاختبار اللى بنمر بيه بنبقى شايفين طريقنا مسدود شايفين الدنيا سودة شايفين الدنيا انتهت لكن بعكس الانسان القريب من ربنا بيستنى يخلص الاختبار او التجربة علشان يعرف ربنا عاوز يقولة ايه او يعلنله ايه يمكن الموضوع دا خدت وقت افكر فيه ليه ببص للجانب السىء من التجارب ليه ببص انها حاجة مرة رغم انى لولا التجارب مكنش هيبقى فى تعزيات ابونا ابرهيم لما طلب منه الرب انو يقدم اسحق ذبيحة طبعا اد ايه مر بالمات من جواه لكن كان واثق جداا فى الرب عارف انو هو اللى ادهالوه وهو هيتصرف لانه كان واثق فى وعد الرب بس كلنا عارفين انو كان اختبار قاسى يعنى يارب اطلب منك ابن وبعد العمر دا عاوز تاخده منى وانا اللى اقدمة زبيحة قد ايه الموقف صعب ومر لكن بعد ما ربنا عرف قلب ابراهيم قله نسلك هيكون زى نجوم السما ربنا دا رائع اوى فعلا
لما نبص ليوسف قد ايه تعب فى حياتة وصعب جداا لما حد فينا اخونا يزعق فيه لمجرد انو زعق وبنشيل منه نزعل ونضايق لكن اخوات يوسف بعوه وقطعه القميص بتاعه بس يوسف كان مسلم للرب جداا يوسف مش بس اتباع اتسجن واتظلم وكانه بيقول للرب انا ملك ايدك اتصرف اتباع اتهان اتضرب مش مشكلة المهم انى نخطئش قدامك وربنا عوضه لما بقى الرجل التانى فى مصر ويوسف منتقمش من اخوته بلعس قبلهم بمحبة اوى وقالهم انتم قصدتم بى شرا ام الله فقصد بى خيرا
قد ايه ربنا دا حنين بس محتاج يختبر قلبنا ويعرف ويتاكد اننا بنحبة لازم نمر بتجارب واختبارا انا يمكن التجارب بخلينى كل يوم اثق فى ربنا اكتر بتعرفنى اننا حياتى فى ايد امينة ايد اللى صنعت وابدعت هى اللى هتخاف على صنعت يديها
لو كان قدامك شغل وراح متعتبش على ربنا ولا تقوله ليه لو كنت مرتبط ببنت اوى وشيفها هى شريكة حياتك والموضوع مكملش متياسش ولا تلومة لو كنت تعبان من الظروف الصعبة لو كنت حزين على انسان فارقك متزعلش ولا تحزن لانو قلنا قبل ميصعد سيكون لكم ضيق ولكن ثقو ان غلبت العالم خلي واثق فى حكمة ربنا صدقنى هو اله رائع هو اكتر واحد بيخاف عليك هو عارف امتى يجيبلك شغلك امتى يجبلك الشريكة الصالحة امتى يرفع عنك انتا محظوظ جداا لانك ابنه الغالى
ولو بتمر بتجربة بص للاباء الكبار ابراهيم وايوب ويوسف وداود واعمل زيهم داود كان دايما يكلم ربنا فى وقت الفرح بيسبح ويهلل وفى وقت الضيق بيعتب على ربنا لدرجة انى الرب قال فتشت فوجدت قلب داود مثل قلبى
التجارب مش بس ضيق والم وتعب التجارب تاديب وتعليم ومحبة من ربنا لينا الذهب لما بيتنقى بيتحرق ربنا عاوز ينقينا ويعلمنا ويفهمنا وما ابعد احكامة عن الفحص وطرقة عن الاستقصاء
ربنا عظيم اوى يبخت اللى يختبرة ويعرفة

المصدر: †† ارثوذكس †† - من قسم: المرشد الروحى (كلمة الله التى تؤثر فيك)

[Shosei]

هو مش حلو الموضوع

[SAMOOOOO]

موضوع جميل جدا وجديد وحلو ومفيد وكلماته مرتبه
وربنا يبارك حياتك يا ميرنا

[nermos1982]

قد ايه ربنا دا حنين بس محتاج يختبر قلبنا ويعرف ويتاكد اننا بنحبة لازم نمر بتجارب واختبارا انا يمكن التجارب بخلينى كل يوم اثق فى ربنا اكتر بتعرفنى اننا حياتى فى ايد امينة ايد اللى صنعت وابدعت هى اللى هتخاف على صنعت يديها
لو كان قدامك شغل وراح متعتبش على ربنا ولا تقوله ليه لو كنت مرتبط ببنت اوى وشيفها هى شريكة حياتك والموضوع مكملش متياسش ولا تلومة لو كنت تعبان من الظروف الصعبة لو كنت حزين على انسان فارقك متزعلش ولا تحزن لانو قلنا قبل ميصعد سيكون لكم ضيق ولكن ثقو ان غلبت العالم خلي واثق فى حكمة ربنا صدقنى هو اله رائع هو اكتر واحد بيخاف عليك هو عارف امتى يجيبلك شغلك امتى يجبلك الشريكة الصالحة امتى يرفع عنك انتا محظوظ جداا لانك ابنه الغالى

موضوع بجد رائع يا ميرنا.ربنا يعوضك يا قمر ويكون معاكى

[Shosei]

المشاركة الأصلية كتبت بواسطة samooooo موضوع جميل جدا وجديد وحلو ومفيد وكلماته مرتبه وربنا يبارك حياتك يا ميرنا

صح ولا كدا وكدا انا اول مرة اكتب موضوع كدا

[Shosei]

المشاركة الأصلية كتبت بواسطة nermos1982 قد ايه ربنا دا حنين بس محتاج يختبر قلبنا ويعرف ويتاكد اننا بنحبة لازم نمر بتجارب واختبارا انا يمكن التجارب بخلينى كل يوم اثق فى ربنا اكتر بتعرفنى اننا حياتى فى ايد امينة ايد اللى صنعت وابدعت هى اللى هتخاف على صنعت يديها لو كان قدامك شغل وراح متعتبش على ربنا ولا تقوله ليه لو كنت مرتبط ببنت اوى وشيفها هى شريكة حياتك والموضوع مكملش متياسش ولا تلومة لو كنت تعبان من الظروف الصعبة لو كنت حزين على انسان فارقك متزعلش ولا تحزن لانو قلنا قبل ميصعد سيكون لكم ضيق ولكن ثقو ان غلبت العالم خلي واثق فى حكمة ربنا صدقنى هو اله رائع هو اكتر واحد بيخاف عليك هو عارف امتى يجيبلك شغلك امتى يجبلك الشريكة الصالحة امتى يرفع عنك انتا محظوظ جداا لانك ابنه الغالى موضوع بجد رائع يا ميرنا.ربنا يعوضك يا قمر ويكون معاكى

يعنى انفع ولا بقى

[aymonded]

السلام لنفسك يا أحلى ميرنا محبوبة ربنا يسوع والقديسين
أولاً طريق الله ، طريق فيه الإنسان بيحمل الصليب ويتبع الرب يسوع ويمات طول النهار من أجله في خبرة مع المسيح صلبت فأحيا لا أنا بل المسيح يحيا فيَّ :
بمعنى أنني بدخل في خبرة الإماته لكي أموت انا عن ذاتي وكبريائي وغروري وكل ما لي ، حتى يحيا في الله ويرتاح في إنائي الخاص المكرس والمخصص له ...

وهناك إماتة إرادية وإماتة غير إرادية ، الإماته الغير إرادية وهي التي تأتي من الأمراض والمشقات التي لا دخل لي فيها ، وأحيا فيها بمعنى أنني أقبل الإماتة بقبول المشقات والأمراض والأتعاب بكل شكر من الله ...

والإماتة الإرادية ، هي ما أقدمها من أصوام وترك وتخلي عن كل ما لي من كبرياء وعظمة وارفض من قلبي مديح الناس واقبل ما هو من الله فقط وأقدم له كل طاقتي وابذل نفسي بإرادتي من أجل أخي وصديقي وذلك بالحب الصادق ...

وايه يا ترى نتيجة التجارب والضيقات :
كما هو مكتوب في سفر أيوب : بسمع الأذن قد سمعت عنك أما الآن فقد رأتك عيناي ...

مع المسيح صلبت فأحيا لا انا بل المسيح يحيا فيَ

أشكرك على الموضوع الحلو
أقبلي مني كل تقدير بمحبة ن النعمة معك

[elphilasouf]

طبعا تنفى يا ميرنا دانتى واااعظه كبيره اوي
وكلامك مقنع جدا
ربنايعوضك ومتحرميناش ابدا من مشاركاتك الجميله
بس الله يخليكى انا اتعميت ابقى كبري الخط
شويه بعد اذنك
رعينا
ههههههههههههههههههههههههه هه

[Shosei]

المشاركة الأصلية كتبت بواسطة aymonded السلام لنفسك يا احلى ميرنا محبوبة ربنا يسوع والقديسين أولاً طريق الله ، طريق فيه الإنسان بيحمل الصليب ويتبع الرب يسوع ويمات طول النهار من أجله في حبرة مع المسيح صلبت فأحيا لا أنا بل المسيح يحيا فيَّ : بمعنى أنني بدخل في خبرة الإماته لكي اموت انا عن ذاتي وكبريائي وغروري وكل ما لي ، حتى يحيا في الله ويرتاح في إنائي الخاص المكرس والمخصص له ... وهناك إماتة إرادية وإماتة غير إرادية ، الإماته الغير إرادية وهي التي تأتي من الأمراض والمشقات التي لا دخل لي فيها ، وأحيا فيها بمعنى أنني أقبل الإماتة بقبول المشقات والأمراض والأتعاب بكل شكر من الله ... والإماتة افرادية ، هي ما اقدمها من أصوام وترك وتخلي عن كل ما لي من كبرياء وعظمة وارفض من قلبي مديح الناس واقبل ما هو من الله فقط وأقدم له كل طاقتي وابذل نفسي بإرادتي من أجل أخي وصديقي وذلك بالحب الصادق ... وايه يا ترى نتيجة التجارب والضيقات : كما هو مكتوب في سفر أيوب : بسمع الأذن قد سمعت عنك أما الآن فقد رأتك عيناي ... مع المسيح صلبت فأحيا لا انا بل المسيح يحيا فيَ أشكرك على الموضوع الحلو أقبلي مني كل تقدير بمحبة ن النعمة معك

طبعا الموضوع ولا حاجة جنب ردك نورت يا استاذنا

[Shosei]

المشاركة الأصلية كتبت بواسطة elphilasouf طبعا تنفى يا ميرنا دانتى واااعظه كبيره اوي وكلامك مقنع جدا ربنايعوضك ومتحرميناش ابدا من مشاركاتك الجميله بس الله يخليكى انا اتعميت ابقى كبري الخط شويه بعد اذنك رعينا ههههههههههههههههههههههههه هه

احم لا بقولك ايه وسعت منك دى انا اول موضوع اكتبة


اشحت علياا بقى